EUSKAL XAKE FEDERAKUNTZAKO
ASANBLADA OROKORRA.
(2013ko martxoaren 10ean,
Deban).
Goizeko 10 eta erdietan izan zen
lehenengo deialdia eta 11etan bigarrena. Orduan hasi zen asanblada.
BERTARATUTAKO KIDEAK.
Juan M. Marchena (Calasanz), Jose M.
García (Zuri Baltza), Mikel Zubia (Añorga), Jose Luis Fernandez
(Anaitasuna-Kakute), Miguel Angel Almansa (Barakaldo), Esteban Becerro (Once),
Jon Alvarez (Goierri X.T.), Julia Gallego (A. Zaleak), Patxi Imaz (Legazpi),
Fernando Valdezate (jokalaria), Jose M. Villanueva eta Lukas Iruretagoiena
(epaileak), Eider Velasco eta Miguel Angel Muela (Teknikari/monitoreen aldetik),
Joseba Otano Villanueva (epailea) eta Xabier Abaurrea San Juan (jokalaria).
Miguel Angel Muela Perez lehendakariak
zuzendu zuen bilera.
AURREKO ASANBLADAKO AKTA.
Onartu zen: Aldeko 10 boto
eta 4 abstentzio.
JARDUERAK ETA EMAITZA EKONOMIKOA.
Kirol
jardueraren memoria arazorik gabe onartu zen: Aldeko 12 boto eta 2 abstentzio.
Emaitza
ekonomikoari dagokionez, ona izan zen. 2012an diru laguntza % 15 edo 17ren
inguruan murriztu egin zen arren, galera 345’55 eurokoa soilik izan zelako.
Euskal Xake
Federakuntzan ez dago soldata jasotzen duenik. Badira laguntzaile batzuk eta
haiei euren gastuak edo adostutako laguntza ordaintzen zaie.
Emaitza ekonomikoa
onartu zen: Aldeko 12 boto eta 2 abstentzio.
AURREIKUSITAKO JARDUERAK ETA AURREKONTUA.
2013an
Euskadiko Txapelketak egiteko tokiak adierazi ziren: Adin guztietakoa,
Zornotzan; Gazte eta Kadete Mailetakoak, Eibarren; Tximista Xakekoak, Bergaran;
Beteranoena, Zarautzen; Emakumezkoena, Bilbon; 16 urtez azpiko taldekakoa,
Gasteizen; Taldekako Euskal Ligako azkeneko txanda, Bilbon. “Lau Nazioak”
Selekzioen Torneoa, Donostian.
2012an
Tximista Xakeko Euskadiko Taldekako Txapelketa Euskadiko Kirol Egunean
jokatzekoa zen. Kirol Egun hori ez zen egin eta Txapelketa ere ez. 2013an bai
eginen da Txapelketa hori.
Maisuen arteko Elgoibarko Torneoak bere
maila jaitsiko omen du, ziur aski, arrazoi ekonomikoengatik.
Fernando Valdezatek murrizketak egiteko
tokia aipatu zuen: Taldekako Euskal Ligako bidaietan. Hau da, Nafarroaren parte
hartzearen gaia berrikustea proposatu zuen.
Miguel Angel
Almansak Federazioaren lizenzien kostua gaurkotzea proposatu zuen.
Aurrekontua
onartu zen: Aldeko 12 boto eta 2 abstentzio.
AURKEZTUTAKO PROPOSAMENAK.
Epez kanpo
aurkeztuta ere, Juan M. Marchenaren proposamena aztertu zen: Gasteizen,
Tximista Xakeko Taldekako Euskadiko Txapelketarekin batera, 16 urtez azpiko
Tximista Xakeko Taldekako Euskadiko Txapelketa egitea, talde nahikorik bilduz
gero.
Onartu zen:
Aldeko 3 boto eta 11 abstentzio.
HAINBAT ARLOREN INGURUKO AZALPENAK.
A)
Federazioaren lizentziak.
Zertxobait jaitsi da kopurua. Emakume
gutxi izatea da kezkagarria, batez ere Gipuzkoan.
2014an
kostuak gaurkotuko dira, FEDAren datuak kontuan hartuta.
B) Euskal Xake Federakuntzako Ikasketa Zentroa; eremukako
garapena bultzatzea.
Prestakuntzako
planen eta programen jarraipena baieztatu zen. Bai monitore/entrenatzaile eta epaile titulazio teknikorako ikastaroak,
bai teknifikazio eskolak, bai A eta B mailetako sustatzeko moduko gazteak
prestatzekoak.
Murrizketen
ondorioz, Euskadiko Txapelketetarako plazak gutxituko dira: Lurraldeetarako
plazak, sustatzeko jokalarienak, gazte eta kadete mailetakoak...
Jose Luis
Fernandezek Euskal Zirkuituko datuak azaldu zituen. Jokalari kopurua zertxobait
jaitsita ere, torneo gehiago eta klub gehiago izan ziren 2012an. Sailkapen
Nagusiko ezberdinketa sistema hobetuko da 2013an.
C) Euskal Xake Federakuntzako eloa; Txapelketa eta Araudiak.
2013ko
urtarrileko Euskal eloa atera zela azaldu zuen Miguel Angel Almansak, nafarren
datuekin arazoak gertatu baziren ere. Formatua aldatzeko asmoa dauka Almansak.
FIDEk
xakearen legeak aldatzeko asmoa omen du. Behar den garaian informazioa zabalduko
da.
D) Informazio orokorra.
Lehendakariak
hauteskunde gorabeherak azaldu zituen.
2012an
Lurraldeetako Federazioetan eta FEDAn hauteskundeak izan ziren. Hortik atera
ziren agintari berriak. Euskal Xake Federakuntzako Hauteskunde Arautegia onartu
zen, Zornotzako Asanbladan, Eusko Jaurlaritzak ateratako arauei jarraikiz.
Lurraldeetako hauteskundeen ondoren hasi zen EXFren baitan hauteskunde
prozesua. 2013ko urtarrilaren 30ean amaitu zen. Euskal Xake Federakuntzako
Asanblada berria eta Zuzendaritza berria horren ondorioa izan ziren.
OHARRA:
Aktaren laburpena da hau.