XAKEKO TALDEKAKO EUSKAL LIGA.

(2014ko urtarrilaren 11tik martxoaren 8ra).

 

 

 

OHOREZKO MAILA.

 

 

 

         SESTAOK PUNTU ERDIA JAN ZION GROSI.

 

            Euskal Liga ez dago erabakita. Grosek txapeldun itxura dauka, baina oraindik Sestaok buelta eman diezaioke.

 

            Neurketa zaila zuen Grosek eta puntu eta erdia utzi zuen bidean, Donibanekoen aurkako lehian. Eloen arabera ez zen emaitza oso txukuna izan.

 

            Hala ere, Sestaok ez zuen gehiegi estutu. Puntu bat galdu zuen Zuri Baltza jaitsierarako hautagaia den taldearen aurka. Beraz, aldea murriztu zion Grosi, baina ez zuen eguna behar bezala aprobetxatu.

 

            Batallak, bai, ordea. Eroso irabazi Easori (0’5-3’5) eta hirugarren amaitzeko helburuari eutsi zion.

 

            Conteneo eta Orvinaren arteko dema berdinean geratu zen. Biak pozik, baina Orvinak azken ahalegina egin behar du oraindik, mailari eusteko.

 

            Arrasate-Arlutzek berdinketa eskuratu zuen San Viatorren aurka. Berriz ere emaitza ona. Maila mantentzeko ez du arazorik izan behar, hasierako pronostikoen aurka.

 

            Zazpigarren txandak Gasteizen dauka ikusmina. San Viatorrek eta Grosek lehia garrantzisua izanen dute, batez ere Donostiakoentzat. Lanak izanen dituzte mahai guztietan, baina batez ere lehenengoan.

 

            Sestaok Easo jasoko du. Behingoz ahalmen osoa erakusten badu, Grosera asko gertura daiteke. Behar du, Grosen aurretik, Donibane Kirol Elkartea A hirugarren sailkatua aurrean izanen baitu zortzigarren txandan.

 

            Batalla – Donibane Kirol Elkartea A neurketak ere bere interesa du, hirugarren postuaren bila baitabiltza biak.

 

            Orvina A – Zuri Baltza lehia ere kontutan hartzekoa da. Orvina da faborito, baina puntu eta erdia besterik ez dago haien artean (eta jaitsierako postua jokoan).

 

            Arrasate-Arlutz – Conteneo norgehiagoka toki lasaian jokatuko da. Bosgarren postua dute helburua une honetan.

 

            2014-02-15.

 

                Iturria: Euskal Xake Federakuntza.