XAKEKO TALDEKAKO EUSKAL LIGA.

(2014ko urtarrilaren 11tik martxoaren 8ra).

 

 

 

LEHENENGO MAILA.

 

 

 

         URNIETA OHOREZKO MAILARA ETA ORVINA B ETA EGIDAZU JAISTEKO POSTUETAN.

 

            Lehenengo Mailako korapiloa ebatzi zen, baina gidoia bete gabe.

 

            Abadiño Alain Prieto Aranguren gabe aritu zen. Aurreko astean Calasanzi bezala erraztasuna eman zion Urnietari. Urnietak aprobetxatu zuen eta Ohorezko Mailara igo da. 2’5-1’5 galdu zuen, baina nahikoa izan zuen, aurretik egindako lanaren ondorioz.

 

            Zornotzak 1-3 irabazi zion Egidazuri. Talde arabarrak mailari eusteko azkeneko kartutxoa erre zuen, zorterik gabe. Zornotza motz geratu zen. Urnietatik puntu erdira geratu zen azkeneko sailkapenean.

 

            Calasanzek garaipen argia behar zuen, Peña Rey Ardid azken aurrekoaren aurka. Lau mahaietan elo gehiago edukita, benetako aukera izan zuen igoera lortzeko. Carlos Pastor Pons eta Daniel Otsoa de Eribe Martinez jokalarien porrotak eragotzi zuen asmo hori. Urnietatik puntu batera geratu zen, bosgarren tokian.

 

            Aurretik, Abadiño, Urnieta eta Zornotzaz gain, Sestao B geratu zitzaion. Sestaoarrek 2’5-1’5 irabazi zioten Errenteriako Kultur Sustapenari eta bigarren amaitu zuten. Igotzeko duen ezintasunak Urnieta hirugarren sailkatuaren igoera bideratu du.

 

            Kultur Sustapenak emaitza hobea behar zuen, baina ez zuen lortu eta Orvina B-ren menpe geratu zen. Orvina Bk aise menperatu behar zuen Donibane Kirol Elkartea B, baina benetako orduan huts egin zuen. Lau mahaietan faborito zen Orvina B, baina Alvaro Reinaldo Sotok, Adrian Aldave Aguadok eta Javier Lizuain Tonik txapelketa bukaera mingostu zioten Orvina B-ri. Berdinketak jaitsiera ekarri zion (puntu erdi gehiagoz amaitu zuen Kultur Sustapenak).

 

Bizitzaren paradoxak: Orvina B-ren itxurazko jaitsierak eragotziko dio Donibane Kirol Elkartea B-ri berari datorren urtean Lehenengo Mailan aritzea. Orvina Nafarroako Txapelketa irabazi zuen eta nafarren plaza beteko du berriz. Donibane Kirol Elkartea bigarren geratu zen Nafarroako Txapelketan eta nafarren plaza ez du beteko, Orvina jabe duelako.

 

            Beraz, Abadiño eta Urnieta Ohorezko Mailara, eta Orvina B eta Egidazu jaitsierako bidean, Orvina B-k gauzatuko ez badu ere.

 

            2014-03-08.

 

                Iturria: Euskal Xake Federakuntza.