XAKEKO TALDEKAKO EUSKAL LIGA
(2022ko
urtarrilaren 29tik martxoaren 26ra)
Partidak 90 minutukoak dira, gehi 30 segundo gehiago
jokaldiko. Iaz denboraldi berezia izan zen koronabirusaren
pandemiagatik. Aurten berregituratu da Euskal Liga. Ohorezko Mailaz
gain, Lehenengo Maila izanen dugu, baina bi multzotan banatuta.
OHOREZKO MAILA
Azkeneko bi taldeak Lehenengo Mailara jaitsiko dira.
2022-03-05: SEIGARREN TXANDA
Easo (Donostia, Gipuzkoa)
(0) – Donibane Kirol Elkartea (Iruñea, Nafarroa) (10’5): 0-4
(jokatu gabe).
Martintxo
(Gasteiz,
Araba) (12’5) – Calasanz (Gasteiz, Araba) (0): 4-0 (jokatu gabe).
Zornotza (Bizkaia) (11) – Orvina (Iruñea, Nafarroa) (13):
1’5-2’5.
San Viator (Gasteiz, Araba) (9) – Conteneo (Bilbo, Bizkaia) (13): 2-2.
Abadiño (Bizkaia) (9’5) – Gros A
(Donostia, Gipuzkoa) (17’5): 0-4.
SAILKAPENA
1)
Gros A (Donostia, Gipuzkoa) – 21’5 puntu.
2)
Martintxo
(Gasteiz, Araba) – 16’5 puntu.
3)
Orvina (Iruñea, Nafarroa) – 15’5 puntu.
4)
Conteneo (Bilbo, Bizkaia) – 15 puntu.
5)
Donibane Kirol Elkartea (Iruñea, Nafarroa) – 14’5 puntu.
6)
Zornotza (Bizkaia) – 12’5 puntu.
7)
San Viator (Gasteiz, Araba) – 11 puntu.
8)
Abadiño (Bizkaia) – 9’5 puntu.
9)
Calasanz (Gasteiz, Araba) – 0 puntu.
10) Easo (Donostia, Gipuzkoa) – 0
puntu.
ORVINARENTZAT ETEKIN GEHIEN
Espero bezala, Gros argi nagusitu zen Abadiñon (0-4). Bere
paseo arrakastatsuari segida eman zion. Alain Prieto – Alejandro
Franco zen norgehiagokarik orekatuena eta Groseko zerrendaburuak lortu
zuen puntua. Elo alde handiak gainontzeko mahaietan. Gainera, Iñigo
Argandoña berragertu zen Grosen. Titulua Donostia aldera joanen da
berriz ere aurten.
Zornotza – Orvina lehia zen interesgarriena. Podiuma zegoen
jokoan. 1’5-2’5 irabazi zuen Iruñeko taldeak eta hor segitzen du
Conteneo eta Martintxorekin borrokan, Zornotza zertxobait atzeratuta
utzita.
Mikel Ortegak Orvinako lema hartu zuen. Ez zuen irabazi,
David Diez Fraileren aurrean faborito zen arren, baina berdinketa bai
lortu zuen. Javier Cinzak eta Juan Sanciñenak garaipena lortu zuten
eta Orvinak irabaztea ahalbidetu zuten. Zornotzako Jon Asel Goiriak
irabazi zion Gonzalo Mombielari. Azken hau Orvina indartzera itzulia
zen baina ezin izan zuen puntuatu.
Conteneo ere podiumerako borrokan sartuta dago. Ongi kokatuta
zegoen, baina agian Gasteizen San Viatorren aurka berdintzea gutxitxo
da horri begira. Imanol Toledok galdu zuen lehenengo mahaian lehiarik
orekatuena, Mikel Zubizarretaren aurrean. 224 puntuko elo aldea zuen,
hala ere, baina alferrik izan zen hori. Carlos Varasek eta Johnny
Saduseak ere ez zuten beren helburua lortu. Faborito nabarmenak izan
arren, berdindu egin zuten. Santiago Sanz Castillok bai lortu zuen
garaipena Bilboko taldearentzat eta horrela neurketak 2-2 bukatu zuen.
2022-03-12: ZAZPIGARREN TXANDA
Gros A (Donostia, Gipuzkoa) (21’5) – Easo (Donostia,
Gipuzkoa) (0).
Conteneo (Bilbo, Bizkaia) (15) – Abadiño
(Bizkaia) (9’5).
Orvina (Iruñea, Nafarroa) (15’5) – San Viator (Gasteiz,
Araba) (11).
Calasanz (Gasteiz, Araba) (0) – Zornotza (Bizkaia) (12’5).
Donibane Kirol Elkartea (Iruñea, Nafarroa) (14’5) –
Martintxo (Gasteiz, Araba) (16’5).
DONIBANE – MARTINTXO, PODIUMA JOKOAN
Iruñean izanen da lehiarik interesgarriena, Donibaren
lokalean. Bertako taldeak Martintxo jasoko du. Orain arte lehenengo
postuetatik urruti agertu da Donibane, baina orain podiumetik hurbil
dabil. Martintxo bigarren sailkatua da eta, beraz, antzeko helburuen
bila arituko dira aurrez aurre.
Conteneo eta Orvina saiatuko dira zakua puntuz betetzen,
sailkapenean Grosen ondoan kokatzeko. Faboritoak dira Abadiño eta San
Viatorren aurrean. Puntu guztiak garrantzitsuak izanen dira.
Gros A liderrak, jokatu gabe, beste 4 puntu bilduko ditu. Ez
dirudi bere moduko arerioa duenik Liga honetan.
Informazio gehiago: “http://chess-results.com/tnr608396.aspx?lan=2&art=3&rd=1&turdet=YES”
webgunean.
LEHENENGO MAILA
Multzo bakoitzeko lehenengo sailkatuak Ohorezko Mailara igoko
dira. Multzo bakoitzeko azkeneko hirurak zuzenean jaitsiko dira
lurralde txapelketetara. Multzo bakoitzeko beste bi talde ez jaisteko
Ligaxka jokatuko dute eta Ligaxka horretatik talde bat jaitsiko da
lurralde txapelketetara.
LEHENENGO MAILAKO A MULTZOA
2022-03-05: BOSGARREN TXANDA
Arrasate/Arlutz
(Amorebieta, Gipuzkoa) (10) – Ortuella (Bizkaia) (4’5): 4-0.
Santurtzi (Bizkaia) (6’5) – Getxo
(Bizkaia) (6): 2-2.
Danubio (Miranda Ebro) (11’5) – Egidazu/Landetxo (Gasteiz, Araba) (9’5): 2’5-1’5.
SAILKAPENA
1)
Arrasate/Arlutz (Amorebieta, Gipuzkoa) – 14 puntu.
2)
Danubio (Miranda Ebro) – 14 puntu.
3)
Egidazu/Landetxo (Gasteiz, Araba) – 11 puntu.
4)
Santurtzi (Bizkaia) – 8’5 puntu.
5)
Getxo (Bizkaia) – 8 puntu.
6)
Ortuella (Bizkaia) – 4’5 puntu.
ARRASATE/ARLUTZ IZAN DA OHOREZKO MAILARA IGO
DENA, OZTA-OZTA
A multzoko ibilbidea amaitu da. Ezin lehiatuago izan da
txapelketa. Arrasate/Arlutz Danubiorren atzetik zegoen sailkapenean,
puntu eta erdi gutxiagorekin, baina aurkari samurragoa zuen.
Gipuzkoarrak 4-0 nagusitu ziren Ortuellaren aurka. Danubiok,
ordea, 2’5-1’5 irabazi zion Egidazu/Landetxori (honek hirugarren
amaitu du txapelketa).
14 puntuz berdinduta bukatu dute Arrasate/Arlutz-ek eta
Danubiok. Lehenengo ezberdinketa neurketei emandako puntuazioen
batuketa da. Irabazitako neurketa 3 puntu dira eta berdindutakoa puntu
bat. Baina horrela kontatuta ere berdinketa ez zen hausten.
Haien arteko emaitza da bigarren ezberdinketa sistema.
Miranda Ebron jokatutako neurketa 2-2 amaitu zen. Beraz,
ezberdinketarako herbeheratar sistemak erabaki du multzoko txapelduna.
Haien arteko lehian lehenengo eta bigarren mahaietan berdinketa
gertatu zen. Hirugarren mahaian Arrasate/Arlutzek lortu zuen
garaipena. Horrek balio gehiago du Danubiok laugarren mahaian
lortutakoak baino. Beraz, pieza beltzekon Aitor Alcaide Luquek
Danubioko Teresa Alicia Perez Munizen aurka eskuratutako garaipenak
igoera eman dio Arrasate/Arlutz taldeari.
Santurtzik eta Getxok berdindu zuten derbi bizkaitarrean.
Aukera gutxi zuten jaitsiera saihesteko eta biak putzura joan dira.
Santurtzi laugarren sailkatu da, Getxok baino puntu erdi gehiagorekin.
Informazio gehiago:
“http://chess-results.com/tnr608394.aspx?lan=2&art=3&rd=1”
webgunean.
LEHENENGO MAILAKO B MULTZOA
2022-03-05: SEIGARREN TXANDA
Zarautz
(Gipuzkoa) (4’5) – Gros B (Donostia, Gipuzkoa) (7):
1-3.
Mikel
Gurea (Burlata, Nafarroa) (9) – Marlaxka
(Hondarribia,
Gipuzkoa) (11’5): 1-3.
Oberena (Iruñea, Nafarroa) (10) – Zugzwang (Urnieta, Gipuzkoa) (12’5): 1’5-2’5.
Atsedena
(0): Alfil (Beasain, Gipuzkoa) (5’5).
SAILKAPENA
1)
Zugzwang (Urnieta, Gipuzkoa) – 15 puntu.
2)
Marlaxka
(Hondarribia, Gipuzkoa) – 14’5 puntu.
3)
Oberena (Iruñea, Nafarroa) – 11’5 puntu.
4)
Mikel Gurea (Burlata, Nafarroa) – 10 puntu.
5)
Gros B (Donostia, Gipuzkoa) – 10 puntu.
6)
Alfil (Beasain, Gipuzkoa) – 5’5 puntu.
7)
Zarautz (Gipuzkoa) – 5’5 puntu.
TALDE NAFARREN GAINBEHERA, GIPUZKOARREN MESEDETAN
Multzo honetako ligaren hasieran talde nafarren nagusitasuna
nabarmena izan zen, baina erdi aldera sailkapena irauli da eta
dagoneko ez dira faborito Ohorezko Mailarako sarbidea den lehenengo
postua lortzeko.
Oberenak lehia garrantzitsua zuen Urnietako Zugzwang-en aurka
eta galdu egin zuen: 1’5-2’5. Lehenengo postua urruti dauka orain.
Urnietako taldeak ere zail dauka lidergoari eustea. Atsedena du zain
eta Marlaxka oso hurbil. Josu Agirre Canflancak eta Felix Manso
Marquezek puntu osoa eskuratu zuten Oberenako Martin Pascual Garcia
eta Aimer Del Carmen Hernandezen aurrean, hurrenez hurren. Leyre
Abrisqueta gazteak Oberenaren garaipen bakarra eskuratu zuen Javier
Corral Sierraren aurka. Berdinketa izan zen lehenengo mahaian. Aurelio
Vila Dupla eta Luis Angel Ortega Fuentes izan ziren protagonista hor.
Mikel Gureak asko zuen jokoan Hondarribiako Marlaxkaren aurka
eta galdu egin zuen: 1-3. Goitik behera dabil taldea, nahiz eta talde
sendoa osatu zuen larunbatean. Lehenengo mahaian Daniel Pinto Holginek
lortu zuen Burlatakoen garaipen bakarra, Josu Tornay Gomezen aurrean.
Marlaxkako Ander Tafall Villanueva, Goio Uriarte Prieto eta Daniel
Garmendia Zubeldia nagusitu ziren euren partidetan, nahiz eta lehia
zailak eduki. Adrian Vazquez Alonso, Sergio Anguas Fanlo eta Adrian
Oroz Carrasco izan ziren Mikel Gureako galtzaileak.
Gros B-k berpiztu beharra zeukan eta hala egin zuen
Zarautzen: 1-3. Nathaniel Capoteren porrotak eragotzi zien lehia
biribiltzea. Pablo Jose Divassonek irabazi zion. Aritz Abalia Patinok,
Elisabet Ruiz Font eta Markel Zuloaga Erauskin jokalariek logika
nagusitzea eragin zuten. Talde hobea zuen Gros B-k eta orain jaitsiera
sahiesteko aukera dauka.
2022-03-12: ZAZPIGARREN TXANDA
Marlaxka
(Hondarribia,
Gipuzkoa) (14’5) – Oberena
(Iruñea, Nafarroa) (11’5).
Gros B (Donostia, Gipuzkoa) (10) – Mikel
Gurea (Burlata, Nafarroa) (10).
Alfil
(Beasain, Gipuzkoa) (5’5) – Zarautz (Gipuzkoa) (5’5).
Atsedena
(0): Zugzwang (Urnieta, Gipuzkoa) (15).
NEURKETA OSO INTERESGARRIAK
Oso bukaera lehiatua aurreikusten zen multzo honetan, baina
ia argituta daude gauzak. Marlaxka igoko da Ohorezko Mailara, azken
txandak hondamenik ekartzen ez badio. Oberenak gutxienez 0’5-3’5
irabazi beharko lioke, aukeraren bat izateko. Orduan, Zugzwang
Urnietako taldea sartuko litzateke ekuazioan, hirurak berdinduta
amaituko bailukete. Ondo begiratu behar lirateke ezberdinketa
sistemak. Oberenak 0-4 irabaziz gero, igoera lortuko luke konturik
egin gabe. Baina normalena da pentsatzea Marlaxka gutxienez puntu bat
lortuko duela neurketa horretan. Beraz, Ohorezko Mailarako bidea erraz
antzematen da.
Gros B – Mikel Gurea lehia ere garrantzi handikoa da. Bi
talde horietako batek maila galduko du eta berdinduta iritsi dira
azkeneko txandara. Donostian erabakiko da jaitsiera.
Alfil – Zarautz lehiak lagunartekoa dirudi, eragin gutxi
izanen baitu sailkapenean. Hala ere, inork ez du azkena geratu nahi.
Informazio gehiago:
“http://chess-results.com/tnr608395.aspx?lan=2&art=3&rd=1”
webgunean.
2022-03-05.
Iturria: “Ajedrezvasco.com” webgunea.