XAKEKO TALDEKAKO EUSKAL LIGA
(2022ko
urtarrilaren
29tik martxoaren 26ra)
Partidak 90 minutukoak dira, gehi 30 segundo gehiago
jokaldiko. Iaz denboraldi berezia izan zen koronabirusaren
pandemiagatik. Aurten berregituratu da Euskal Liga. Ohorezko Mailaz
gain, Lehenengo Maila izanen dugu, baina bi multzotan banatuta.
OHOREZKO MAILA
Azkeneko bi taldeak Lehenengo Mailara jaitsiko dira.
2022-03-12: ZAZPIGARREN TXANDA
Gros A (Donostia, Gipuzkoa) (21’5) – Easo (Donostia,
Gipuzkoa) (0): 4-0 (jokatu gabe).
Conteneo (Bilbo,
Bizkaia) (15) – Abadiño (Bizkaia) (9’5): 2’5-1’5.
Orvina (Iruñea, Nafarroa) (15’5) – San Viator (Gasteiz,
Araba) (11): 1’5-2’5.
Calasanz (Gasteiz, Araba) (0) – Zornotza (Bizkaia)
(12’5): 0-4 (jokatu gabe).
Donibane
Kirol
Elkartea (Iruñea, Nafarroa) (14’5) – Martintxo (Gasteiz, Araba) (16’5): 3-1.
SAILKAPENA
1)
Gros A (Donostia, Gipuzkoa) – 25’5 puntu.
2)
Conteneo
(Bilbo, Bizkaia) – 17’5 puntu.
3)
Martintxo
(Gasteiz, Araba) – 17’5 puntu.
4)
Donibane Kirol Elkartea (Iruñea, Nafarroa) – 17’5 puntu.
5)
Orvina (Iruñea, Nafarroa) – 17 puntu.
6)
Zornotza (Bizkaia) – 16’5 puntu.
7)
San Viator (Gasteiz, Araba) – 13’5 puntu.
8)
Abadiño (Bizkaia) – 11 puntu.
9)
Calasanz (Gasteiz, Araba) – 0 puntu.
10) Easo (Donostia, Gipuzkoa) – 0
puntu.
DONIBANE SARTU DA PODIUMERAKO BORROKAN
Martintxok, Orvinak eta Conteneok huts egin zuten. Horrek
eragin du Donibane eta Zornotza ere podiumerako borrokan sartzea. Bost
talde borrokatuko dira podiumeko bigarren eta hirugarren kosketara
iristeko (puntu baten bueltan daude, bi txanda falta direnean). Hala
ere, denak ez daude egoera berean.
Donibanek 3-1 gainditu zuen Martintxo. Iruñeko taldeko Iñigo
Martinezek berdindu zuen Aritz Morante Rafaelekin lehenengo mahaian.
Baita talde bereko Miguel Argayak ere Hugo Pelegrinen aurka,
hirugarren mahaian. Azken kasu honetan meritukoa izan zen berdinketa,
besteak eloko 154 puntu gehiago baitzuen. Bigarren mahaian, Javier
Lizuainek Martintxoko Rodrigo De las Heras gainditu zuen. Ustekabean,
Donibane aldera joan zen neurketa laugarren mahaian 1.114ko Naroa
Ericek Martintxoko Yaroslav Khoroshykh garaitu zuelako. 3-1, beraz,
Iruñekoen alde. Hala ere, jokatutako azkeneko bi txandetan huts eginda
ere, Martintxo da hobekien kokatuta dagoena bigarren postua lortzeko.
Conteneok Abadiñori irabazi zion (2’5-1’5) baina derbi
bizkaitarrean puntu eta erdia utzi zituen, garrantzitsuak izan
daitezkeenak. Abadiñoko Alain Prietok Imanol Toledo gainditzea gerta
zitekeena zen, baina Conteneoko Johnny Saduseak Julio Cesar Rocharen
aurka berdintzea ez, elo aldea kontuan hartuta. Carlos Varasek eta
Fernando Markinak eman zioten garaipena Bilboko taldeari. Bere aukerak
baditu podiumean sartzeko, baina…
Orvinak 1’5-2’5 galdu zuen San Viatorren aurka. Emaitza
honekin oso zaila du podiumean sartzea. Haymar Leonek irabazi zuen
Iruñeko taldearentzat eta Orvinako Pablo Urrizak puntu erdia urratu
zuen Igor Villaltaren aurka, baina Diego Gutierrezen garaipen bikainak
eta Xoan Rodal Boneten puntuak gasteiztarren berpizkundea baieztatu
zuten.
Grosek 4-0 irabazi zuen jokatu gabe. Inork ez du zalantzan
jartzen txapelduna bera izanen denik, baina oraindik puntu erdia falta
zaio.
2022-03-19: ZORTZIGARREN TXANDA
Easo (Donostia, Gipuzkoa)
(0) – Martintxo (Gasteiz, Araba) (17’5).
Zornotza (Bizkaia) (16’5) – Donibane Kirol Elkartea (Iruñea,
Nafarroa) (17’5).
San Viator (Gasteiz, Araba) (13’5) – Calasanz (Gasteiz,
Araba) (0).
Abadiño (Bizkaia) (11) – Orvina (Iruñea, Nafarroa) (17).
Gros A (Donostia, Gipuzkoa) (25’5) – Conteneo
(Bilbo, Bizkaia) (17’5).
GROS A-K PUNTU ERDIA BEHAR DU CONTENEOREN AURKA,
TXAPELDUN IZATEKO
Gros A – Conteneo da lehia nagusia azken
aurreko txandan. Lehenengo bi sailkatuak aurrez aurre. Puntu erdia
behar du Donostiako taldeak matematikoki txapeldun izateko. Conteneok
badaki azkeneko txandan jokatu gabe lau puntuak lortuko dituela.
Beraz, bizirik irtetea izanen da bere helburua.
Zornotza – Donibane neurketak ere bere interesa badu.
Zornotza berriz sartu da podiumerako lehian baina ondo jokatu beharko
du azken bi txandetan hori lortzeko. Donibaneren aukerak ez dira
urriak, baina huts egiteko ia tarterik gabe dago.
Abadiño – Orvina lehiak interesa galdu du. 0-4 edo antzeko
zerbait lortu beharko luke Orvinak borrokan sartuta segitzeko. Zaila.
Azkeneko txandan Gros A izanen du zain.
Martintxok jokatu gabe aurrerapausua emanen du eta, ziur
aski, bigarren postuan izanen da azkeneko txanda hasi baino lehen.
Informazio gehiago: “http://chess-results.com/tnr608396.aspx?lan=2&art=3&rd=1&turdet=YES”
webgunean.
LEHENENGO MAILA
Multzo bakoitzeko lehenengo sailkatuak Ohorezko Mailara igoko
dira. Multzo bakoitzeko azkeneko hirurak zuzenean jaitsiko dira
lurralde txapelketetara. Multzo bakoitzeko beste bi talde ez jaisteko
Ligaxka jokatuko dute eta Ligaxka horretatik talde bat jaitsiko da
lurralde txapelketara.
LEHENENGO MAILAKO B MULTZOA
2022-03-12: ZAZPIGARREN TXANDA (FASE HONETAKO AZKENA)
Marlaxka (Hondarribia, Gipuzkoa) (14’5) – Oberena (Iruñea,
Nafarroa) (11’5): 3’5-0’5.
Gros B (Donostia, Gipuzkoa) (10) – Mikel Gurea (Burlata, Nafarroa) (10):
1’5-2’5.
Alfil (Beasain, Gipuzkoa) (5’5)
– Zarautz (Gipuzkoa) (5’5): 3’5-0’5.
Atsedena
(0): Zugzwang (Urnieta, Gipuzkoa) (15).
SAILKAPENA
1)
Marlaxka (Hondarribia, Gipuzkoa) – 18 puntu.
2)
Zugzwang (Urnieta, Gipuzkoa) – 15 puntu.
3)
Mikel Gurea (Burlata, Nafarroa) – 12’5 puntu.
4)
Oberena (Iruñea, Nafarroa) – 12 puntu.
5)
Gros B (Donostia, Gipuzkoa) – 11’5 puntu.
6)
Alfil (Beasain, Gipuzkoa) – 9 puntu.
7)
Zarautz (Gipuzkoa) – 6 puntu.
Ohorezko Mailara igo dena: Marlaxka
(Hondarribia, Gipuzkoa). Lurralde Txapelketara jaisteko kanporaketak
jokatuko dituzten taldeak: Mikel Gurea (Burlata) eta Oberena
(Iruñea). Lurralde txapelketara jaitsiko diren taldeak: Gros
B (Donostia, Gipuzkoa), Alfil
(Beasain, Gipuzkoa) eta Zarautz
(Gipuzkoa).
MARLAXKA OHOREZKO MAILARA ETA GROS B LURRALDEKO
TXAPELKETARA
Txapelketari ginga jartzea besterik ez zitzaion falta
Marlaxkari eta erraz lortu zuen: 3’5-0’5 gainditu zuen Oberena. Beraz,
datorren urtean Ohorezko Mailan jokatuko du. Talde nolabait ahula
atera zuen Oberenak eta zuzeneko jaitsiera izan zuen gertu horren
ondorioz. Oberenako Pedro Viñalek berdindu zuen Josu Tornayren aurka
eta horrek salbatu zuen taldea, momentuz bederen. Marlaxkak ez zuen
hutsik egin faborito zen partidetan: Patxi Morenok Aurelio Vilari
irabazi zion, Ander Tafallek Andres Sempereri eta Goyo Uriartek Dani
Odriozola Coscolini.
Norgehiagoka dramatikoa zuten Donostian Gros B-k eta Mikel
Gureak. Azkenean burlatarrek lortu zuten garaipena (1’5-2’5) eta
donostiarrak jaitsiko dira zuzenean lurraldeko txapelketara. Daniel
Pinto Holguinek eta Angel Vilchezek puntu osoa lortu zuten eta Aritz
Manchak puntu erdia. Groseko Markel Zuloagak garaipena erdietsi zuen,
baina ez zen nahikoa izan.
Azken aurreko postua lortzea besterik ez zuten jokoan Alfilek
eta Zarautzek Beasainen. Bertako taldea erraz nagusitu zen: 3’5-0’5.
Informazio gehiago:
“http://chess-results.com/tnr608395.aspx?lan=2&art=3&rd=1”
webgunean.
2022-03-12.
Iturria: “Ajedrezvasco.com” webgunea.