XAKEKO
TALDEKAKO
EUSKAL LIGA
(2022ko
urtarrilaren
29tik martxoaren 26ra)
Partidak 90 minutukoak dira, gehi 30
segundo gehiago jokaldiko. Iaz denboraldi berezia izan zen
koronabirusaren
pandemiagatik. Aurten berregituratu da Euskal Liga. Ohorezko Mailaz
gain,
Lehenengo Maila izanen dugu, baina bi multzotan banatuta.
OHOREZKO MAILA
Azkeneko bi taldeak Lehenengo
Mailara jaitsiko dira.
2022-03-26: BEDERATZIGARREN TXANDA (AZKENA)
Conteneo (Bilbo,
Bizkaia) (18)
– Easo (Donostia, Gipuzkoa) (0): 4-0 (jokatu gabe).
Orvina (Iruñea, Nafarroa) (17’5) – Gros
A (Donostia, Gipuzkoa) (29): 0’5-3’5.
Calasanz (Gasteiz, Araba) (0) – Abadiño
(Bizkaia) (14’5): 0-4 (jokatu gabe).
Donibane
Kirol
Elkartea (Iruñea, Nafarroa) (18) – San Viator (Gasteiz, Araba) (17’5):
2’5-1’5.
Martintxo (Gasteiz, Araba) (21’5) – Zornotza
(Bizkaia) (20): 1’5-2’5.
SAILKAPENA
1)
Gros A (Donostia, Gipuzkoa) – 32’5 puntu.
2)
Martintxo
(Gasteiz, Araba) – 23 puntu.
3)
Zornotza
(Bizkaia) – 22’5 puntu.
4)
Conteneo (Bilbo, Bizkaia) – 22 puntu.
5)
Donibane Kirol Elkartea (Iruñea, Nafarroa) – 20’5 puntu.
6)
San Viator (Gasteiz, Araba) – 19
puntu.
7)
Abadiño (Bizkaia) – 18’5 puntu.
8)
Orvina (Iruñea, Nafarroa) – 18 puntu.
9)
Calasanz (Gasteiz, Araba) – 0 puntu.
10) Easo (Donostia, Gipuzkoa) – 0
puntu.
Txapelduna: Gros A (Donostia, Gipuzkoa). Lehenengo Mailara
jaitsi direnak:
Calasanz (Gasteiz, Araba)
eta Easo (Donostia,
Gipuzkoa).
OHARRA.- Antza denez, Easo
klub moduan desagertu da. Beraz, ez du Lehenengo Mailan jokatuko.
Txapelketa
antolatu den moduan antolatu ondoren, Calasanzek datorren urtean
Lehenengo
Mailan jokatuko duela pentsa daiteke. Hala ere, Ohorezko Mailan
hasieratik
erretiratu denez, ez dago erabat argi zer zigor dagokion: Lehenengo
Mailara
jaitsi edo Lurralde Txapelketara. Borroka juridikoa Arabako bi taldeen
artean
izanen da.
MARTINTXO ETA ZORNOTZA, PODIUMERA
Martintxo – Zornotza zen lehiarik
interesgarriena eta hein baten euren helburua bi taldeek lortu zutela
erran
daiteke. 1’5-2’5 galdu zuen Martintxok baina bigarren postuari eutsi
zion,
ozta-ozta. Zornotzak, garaipen horrekin, podiumean sartu zen,
hirugarren
postuan. Conteneok jokatu gabe lau puntuak eskuratu zituen, baina bi
talde
hauen atzetik geratu zen laugarren postuan. Zornotza pozik geratu zen
hirugarren postuarekin baina zertxobait gehiago lortuta bigarren
postua eskura
zuen. Poztasuna, beraz, erdizka.
Zornotzako 2.189ko eloko Fernandez
Yañez Vargasek lehenengo mahaian irabazi zion 2.224ko Aritz Morante
Rafaeli.
Horrela, Martintxoren sufrikarioa azaltzen da. Zornotzako David Diez
Frailek
eta Martintxoko Hugo Pelegrin Gomezek berdinketa egin zuten bigarren
mahaian. Hirugarren
mahaian Martintxorentzat izan zen garaipena: 1.893ko Alberto Garcia
San
Martinek 2.136ko Pablo Padilla Caberori irabazi zion. Puntu
erabakigarria.
Laugarren mahaian, ordea, Zornotzak lortu zuen puntua: Jon Asel Goiria
Egidazu
Jorge Tapia Santamariari nagusitu zitzaion. Beraz, Zornotzak 1’5-2’5
irabazi
zuen, Martintxorentzat izan zen bigarren postua eta Zornotzarentzat
hirugarrena.
2021eko postuak errepikatu dira, ia orden berean: Gros, Martintxo,
Zornotza eta
Conteneo. 2021eko maiatzean Zornotza bigarren izan zen eta Martintxo
hirugarren.
Zortzigarren txandan Zornotzak
3’5-0’5 irabazi zion Donibaneri. Hirugarren mahaian Aitor Zabala
Ormaetxek irabazi
zion Anuar Egozcue Sghirri. Emaitza hori argituta, Zornotzak nahiko
puntu ditu
hirugarren geratzeko.
Iruñean Orvinak eta Grosek indarrak
neurtu zituzten. Ohi bezala, Grosek garaipen argia eskuratu zuen:
0’5-3’5.
Orvinak itxurazko taldea atera zuen, baina txapeldunek ez dute
barkatzen. Lehia
interesgarria lehenengo mahaian, Nazioarteko bi Maisuen artean.
Orvinako Unai
Garbisuk eta Groseko Alejandro Francok berdinketa egin zuten.
Gainontzeko
mahaietan donostiarrek irabazi zuten: Santiago Gonzalez De la Torrek
Pablo
Urrizari, Jose Luis Muñoz Avilak Gonzalo Mombielari eta Nathaniel
Capote
Robaynak Unax Senosiaini. Garaipen honekin Grosek bere nagusitasuna
berretsi
du. 9’5 puntuko abantaila atera dio Martintxo bigarren sailkatuari.
Orvina,
ordea, oso atzean geratu da: Zortzigarren, jokatu duten taldeen artean
azkena.
Trantsizio garaian dagoela dirudi eta emaitzetan nabaritzen da. Hori
bai,
bigarren eta zortzigarrenaren artean 5 puntu besterik ez dago.
Donibanek 2’5-1’5 irabazi zion San
Viatorri. Aurreko astean, Zornotzan, podiumean sartzeko aukera ia
guztiak galdu
zituen. Garaipen honekin bosgarren postua lortu du, bederen. Iñigo
Martinezek
eta Javier Lizuainek lortu zuten puntua Donibanerentzat eta Daniel
Vara Del
Bosquek San Viatorrentzat.
Txapelketaren ondorioak: Grosek
nagusitasuna berreskuratu du (dagoeneko 13 titulu ditu eta Sestaok,
ordea, 9); pandemiak
taldeen hierarkia aldatu du; Sestao erraldoia, momentuz, desagertu da;
Easo,
Batalla, Endrokea eta denboraldi honetan bederen Calasanz ere
desagertu dira;
Orvina ahuldu da; Donibane ere bai, nahiz eta hobeto eutsi dion
erronkari;
talde berriak agertu dira Grosi itzala egiteko (momentuz urruti):
Martintxo,
Zornotza eta Conteneo; txapelketa nagusia da Euskal Herrian, jakina,
baina kalitatea
galdu du.
Informazio
gehiago: “http://chess-results.com/tnr608396.aspx?lan=2&art=3&rd=1&turdet=YES”
webgunean.
OHOREZKO MAILARA IGOTZEKO LIGAXKA
2022-03-26: HIRUGARREN TXANDA (AZKENA)
Danubio (Miranda Ebro) (3’5) – Zugzwang
(Urniteta, Gipuzkoa) (3): 3-1.
Marlaxka (Hondarribia, Gipuzkoa) (6) – Arrasate/Arlutz
(Amorebieta,
Gipuzkoa) (3’5): 1-3 .
SAILKAPENA
1)
Marlaxka
(Hondarribia, Gipuzkoa) – 7 puntu.
2)
Arrasate/Arlutz (Amorebieta, Gipuzkoa) – 6’5 puntu.
3)
Danubio (Miranda Ebro) – 6’5 puntu.
4)
Zugzwang (Urnieta, Gipuzkoa) – 4 puntu.
Ohorezko Mailara igo
direnak: Marlaxka (Hondarribia,
Gipuzkoa) eta Arrasate/Arlutz (Amorebieta,
Gipuzkoa).
ARRASATE/ARLUTZ IZAN DA MARLAXKAREKIN BATERA IGO
DENA,
OZTA-OZTA DANUBIO ATZEAN UTZITA
Ligaxka
honek erabaki ditu igoerak, baina azkenean aurreko Multzoetako
irabazleak izan
dira Ohorezko Mailarako txartela lortu dutenak.
Marlaxkak arazotxoak izan
ditu
azkeneko txandan, baina aurretik eskuratutako errenta baliatu du
igotzeko eta
Lehenengo Mailako titulua lortzeko. Marlaxkak Euskal Ligako 6 titulu
ditu
(hirugarrena da palmaresean). Beraz, talde historikoa itzuli da goiko
mailara.
Arrasate/Arlutz
izanen da berarekin batera Ohorezko Mailan arituko dena. Danubiorekin
denean
berdinduta bukatu du. Beraz, aurreko Faseko neurketan, hirugarren
mahaian,
Arrasate/Arlutz taldeko Aitor Alcaide Luquek Danubioko Teresa Alicia
Perez
Muñizen aurka lortutako garaipenak, bai, erabaki du igoera.
Noski,
hori baino gehiago egin behar izan du taldeak. Marlaxkari 1-3
irabaztea ez zen
erraza eta lortu egin du. Talde indartsua jarri zuen
Arrasate/Arlutzek. Elo
gehiago zuten lau mahaietan, baina ez nabarmen. Eta helburua lortu
zuen.
Francisco Miguel Quinterok irabazi zion Patxi Moreno Estebanezi, Asier
Etxagibel Larrañagak Ander Tafall Villanuevari eta Antonio Miguel
Quinterok
Goio Uriarte Prietori. Jose Manuel Hernando Casasek, ordea, galdu egin
zuen
Marlaxkako Daniel Garmendia Zubeldiaren aurka. Eskerrak
Marlaxkarentzat!
Bestela, Ohorezko Mailara ez zen igoko, partida hori ere galdu izan
balu.
Miranda
Ebroko Danubio taldea ere saiatu zen igoera lortzen, baina Urnietako
Zugzwang
taldeari 3-1 irabaztea ez zen nahikoa izan. Danubioko Gorka Artiguez
Alvarezek
laugarren mahaian elo gehiagoko Javier Corral Sierra gainditu zuen.
Jarritako
itxaropena bete zuten Fermin Gonzalez Velezek eta Miguel Angel
Gonzalez Martinezek.
Horiek puntua eurenganatu zuten Danubiorentzat Luis Angel Ortega
Fuentes eta
Josu Aguirre Canflanca garaituta. Ezin izan zuen, ordea, Francisco
Marquinez
Cabrejasek eta elo gehiagoko Felix Manso Marquezen aurrean galdu zuen.
Danubio
igoeraren ertzean geratu zen.
Informazio
gehiago: “http://chess-results.com/tnr619513.aspx?lan=2&art=46“.
LEHENENGO MAILATIK JAITSIERA SAIHESTEKO LIGAXKA
2022-03-26: HIRUGARREN TXANDA
Santurtzi (Bizkaia) (4) – Oberena
(Iruñea, Nafarroa) (5’5): 2’5-1’5.
Mikel Gurea (Burlata, Nafarroa)
(3) – Egidazu/Landetxo (Gasteiz, Araba) (3’5): 2’5-1’5.
SAILKAPENA
1)
Oberena
(Iruñea, Nafarroa) – 7 puntu.
2)
Santurtzi
(Bizkaia) – 6’5
puntu.
3)
Mikel Gurea (Burlata, Nafarroa) – 5’5 puntu.
4)
Egidazu/Landetxo (Gasteiz, Araba) – 5 puntu.
Lurralde txapelketetara jaitsi diren taldeak:
Mikel Gurea (Burlata,
Nafarroa) eta
Egidazu/Landetxo (Gasteiz,
Araba).
OHARRA.- Easo desagertu denez,
Mikel Gureak
bere tokia beteko du. Beraz, ez da jaitsiko. Egidazu/Landetxo teorian
jaitsi
da, baina Calasanzek jasoko duen zigorraren zain dago. Ohorezko Mailan
hasieratik erretiratutako taldea den Calasanzek jasanen duen zigorra
Lehenengo
Mailara jaistea bada, berak jokatuko du Lehenengo Mailan. Baina
zigorra
Lurralde Txapelketara jaistea baldin bada, Egidazu/Landetxo taldeak
Lehenengo
Mailan jokatuko du datorren urtean.
BIGARREN OHARRA.- Aurten
Lehenengo Mailan 13 talde izan dira. Bost zuzenean jaitsi dira eta
beste bi
Ligaxka honetan (Easo eta Calasanz izan daitezke jaitsiko direnak,
horien
ordez). Lau talde igoko dira Lurralde Txapelketetatik (bat Arabatik,
bat
Bizkaitik, bat Gipuzkoatik eta bat Nafarroatik). Beraz, datorren
urtean,
lehengo denboraldietan bezala, 10 talde izanen dira Lehenengo Mailan.
MIKEL GUREAK BERRIZ ERE SALBATU ZUEN BERE BURUA
Oberena helburua ia lortuta zuen eta
taldea zertxobait ahuldu zuen txanda honetan. Ez zuen ordaindu.
Jokalari onak
ziren eta puntu eta erdia eskuratzeko gai izan ziren. Santurtzik hiru
jokalari
indartsu jarri zituen eta laugarrena elo gutxikoa. Hori (Denis
Zubizarreta
Landera) izan zen galdu zuena, Oberenako Gonzalo Martino Girones
gaztearen
aurka. 2.200eko Juan Carlos Fernandez Garciak Oberenako 2.067ko
Aurelio Vila
Duplaren aurka irabazi zuen. Santurtziko 2.014ko Jose Angel Besga
Lopezek
1.969ko Martin Pascual Garcia garaitu zuen. Eneko Wu Martin eta
Oberenako
Javier Yaben Muñozen arteko partida berdinketan amaitu zen. 2’5-1’5
Santurtzirentzat.
Oberena Fase honetako lehenengoa eta Santurtzi bigarrena. Biek erraz
saihestu
zuten jaitsiera.
Burlatan Mikel Gureako eta
Egidazu/Landetxoko jokalariek bazekiten jaitsiera zutela jokoan.
Easoren
desagerketaren berri bazuten. Beraz, bazekiten talde batek mailari
eutsiko
ziola eta bestea jaitsiko zela (aldeko erabaki federatiboak tartean ez
badaude,
behintzat). Nafarrek garaipena behar zuten; gasteiztarrek berdinketa.
Segio Anguasek bazekien zer zegoen
jokoan. Hala ere, huts larri bat egin zuen eta pieza bat galdu. Hortik
aurrera,
partidari buelta ematerik ez zen izan. Arabarrek hartu zuten
abantaila, Jorge
Arce Balluercari esker. Dena den, beste hiru partidak ongi bideratuta
zituzten
burlatarrek. Irabazteko moduko partida izan zuen Iker Fernandez
Cobosek baina
Egidazuko Jose Antonio Landa Ceballosek zaldi bat emanda posizioa
berdinketara
eramatea lortu zuen. Alex Pedchenkok pieza bat hartua zuen eta ez zuen
gero
huts egin. Puntua atera zuen Aitor Arnal Iturgaitzen aurka. Bukatzeko
azkena Mikel
Gureako izar berria izan zen. Daniel Pinto Holguin piezak ongi
kokatuak zituen
eta puntu bateko abantaila. Francisco Javier Ladron de Guevara Galar
gero eta
posizio okerragoa hartzen joan zen eta galdu zuen. Egidazu da jaisteko
hautagaia. Mikel Gurea, aurretik Gros B-ren aurka egin zuen bezala,
atakatik
atera zen.
Informazio
gehiago: “http://chess-results.com/tnr619520.aspx?lan=2&art=46”.
2022-03-26.
Iturria: “Ajedrezvasco.com”
webgunea.