XAKEKO TALDEKAKO EUSKAL LIGA

(2023ko urtarrilaren 14tik martxoaren 11ra)

Partidak 90 minutukoak dira, gehi 30 segundo gehiago jokaldiko.

OHOREZKO MAILA

Azkeneko bi taldeak Lehenengo Mailara jaitsiko dira.

2023-02-18: SEIGARREN TXANDA

Zornotza (Bizkaia) (8) – Donibane Kirol Elkartea (Iruñea, Nafarroa) (0): Jokatu gabe.

Arrasate/Arlutz (Aretxabaleta, Gipuzkoa) (8) – Conteneo (Bilbo, Bizkaia) (7’5): 2-2.

San Viator (Gasteiz, Araba) (6’5) – Marlaxka (Hondarribia, Gipuzkoa) (8): 3-1.

Orvina A (Iruñea, Nafarroa) (9) – Martintxo A (Gasteiz, Araba) (10’5): 3-1.

Abadiño (Bizkaia) (10) – Gros A (Donostia, Gipuzkoa) (12’5): 1’5-2’5.

M.	9	Arrasate	Elo	-	7	Conteneo	Elo	2 : 2
1.1	FM	Miguel Quintero Francisco	2270	-		Toledo Sanz Imanol	2206	½ - ½
1.2		Etxagibel Larranaga Asier	2144	-	FM	Grigorchuk Sergey	2164	0 - 1
1.3		Alcaide Luque Aitor	2100	-		Marquinez Capillas Fernando	2126	1 - 0
1.4		Hernando Casas Jose Manuel	1940	-		Grigorchuk Katerina	2081	½ - ½
M.	1	San Viator	Elo	-	6	Hondarribia Marlaxka	Elo	3 : 1
2.1	FM	Astasio Lopez David	2371	-		Moreno Estebanez Patxi	2225	½ - ½
2.2		Villalta Bustillo Igor	2232	-		Tornay Gomez Josu	1999	½ - ½
2.3		Zubizarreta Riego Mikel	1989	-		Tafall Villanueva Ander	2050	1 - 0
2.4		Sanz Uruena Diego	1798	-		Uriarte Prieto Goio	1963	1 - 0
M.	2	Orvina A	Elo	-	5	Martintxo A	Elo	3 : 1
3.1	IM	Garbisu De Goni Unai	2459	-		Palomo Ortega Jose Maria	1907	1 - 0
3.2	FM	Ortega Lopez Mikel	2241	-		Garcia San Martin Alberto	1875	1 - 0
3.3		Navarrete Delgado Sergio	2163	-		Tapia Santamaria Jorge	1859	1 - 0
3.4		Soriano Ascaso Ignacio	2125	-		Dominguez Exposito Ibon	1908	0 - 1
M.	3	Abadino	Elo	-	4	Gros A	Elo	1½:2½
4.1	FM	Prieto Aranguren Alain	2272	-	IM	Franco Alonso Alejandro	2437	½ - ½
4.2		Lagos Lejarraga Jon	2090	-	IM	Gonzalez De La Torre Santiago	2440	0 - 1
4.3		Martin Echeandia Ibon	2003	-		Munoz Avila Jose Luis	2247	0 - 1
4.4		Calvo Gomez Unai	1814	-		Capote Robayna Nathaniel	2157	1 - 0

SAILKAPENA

1) Gros A (Donostia, Gipuzkoa) – 15 puntu.

2) Orvina A (Iruñea, Nafarroa) – 12 puntu.

3) Abadiño (Bizkaia) – 11’5 puntu.

4) Martintxo A (Gasteiz, Araba) – 11’5 puntu.

5) Arrasate/Arlutz (Aretxabaleta, Gipuzkoa) – 10 puntu.

6) San Viator (Gasteiz, Araba) – 9’5 puntu.

7) Conteneo (Bilbo, Bizkaia) – 9’5 puntu.

8) Marlaxka (Hondarribia, Gipuzkoa) – 9 puntu.

9) Zornotza (Bizkaia) – 8 puntu.

10) Donibane Kirol Elkartea (Iruñea, Nafarroa) – 0 puntu.

GROSEK IRABAZI ZION ABADIÑORI ETA ORVINAK GUTXI MURRIZTU ZION ALDEA

Nahiko ongi atera zen Abadiño Grosen aurkako lehiatik, nahiz eta 1‘5-2’5 galdu. Etxean ari zen eta hirugarren zegoen sailkapenean, baina 4 mahaietan Grosekoak ziren faborito. Unai Calvo Gomezek lortu zuen garaipena Abadiñorentzat laugarren mahaian, eloko 343 puntu gehiago Nathaniel Capotek eduki arren. Lehenengo mahaian Alain Prietok berriz erakutsi zuen jokalari gogorra dela eta berdinketa eskuratu zuen Groseko Alejandro Franco Alonsoren aurka. Azken honek eloko 165 puntu gehiago zuen. Talde sendoa du Grosek, ordea, eta beste bi mahaietan ez zuen hutsik egin. Santiago Gonzalez De la Torrek bi aldiz jarrian galdua zen eta orotara hiru porrot pilatuak zituen, baina larunbatean Jon Lagos Lejarraga garaitu zuen. Jose Luis Muñozek Ibon Martin Echeandiari irabazi zion.

Grosek ez ditu aurkariak zanpatzen, baina txapeldun izateko puntuak batzen segitzen du.

Martintxo A orain arte bigarren postuan mantendu da, baina ez du atsedenik hartu eta Gros eta Abadiño ditu zain. Argi eta garbi: Lehenengo Maila jaitsiko den taldea bihur daiteke. Iruñean puntu bat atera zuen Orvinaren aurka. Ibon Dominguez Expositok lortu zuen laugarren mahaian, Ignacio Soriano Ascasoren aurka, nahiz eta eloko 217 puntu gutxiago eduki. Unai Garbisu, Mikel Ortega eta Sergio Navarreteren garaipenak aurreikustekoak ziren. Orvinak ez du nabamen gutxitu Grosekiko aldea (puntu erdia soilik). Ignacio Sorianoren porrota erabakigarria izan daiteke. Hala ere, Gros eta Orvinaren artean aterako da aurtengo txapelduna.

Beste bi neurketak behera begira jokatu ziren. Berdintasuna aurreikusten zen eta halaxe izan zen Aretxabaletan. Arrasate/Arlutz eta Bilboko Conteneok 2-2 berdindu zuten.

Gasteizen, ordea, San Viatorrek 3-1 gainditu zuen Marlaxka. Aurrerapauso handia mailari eusteko, Marlaxka berriz arazoetan sartuta utzi duen bitartean. San Viatorreko 1.798ko Diego Sanz Uruenak eloko 1.963ko Goio Uriarte Prieto garaitu izana garrantzitsua izan daiteke azken sailkapenari begira.

2023-02-25: ZAZPIGARREN TXANDA

Donibane Kirol Elkartea (Iruñea, Nafarroa) (0) – Gros A (Donostia, Gipuzkoa) (15).

Martintxo A (Gasteiz, Araba) (11’5) – Abadiño (Bizkaia) (11’5).

Marlaxka (Hondarribia, Gipuzkoa) (9) – Orvina A (Iruñea, Nafarroa) (12).

Conteneo (Bilbo, Bizkaia) (9’5) – San Viator (Gasteiz, Araba) (9’5).

Zornotza (Bizkaia) (8) – Arrasate/Arlutz (Aretxabaleta, Gipuzkoa) (10).

ORVINAREN AUKERA

Grosi egokituko zaio atsedena. Beraz, interes guztia Hondarribian izanen da. Orvina A-k 3 puntu lortuz gero, Gros harrapatuko du. Gehiago lortzekotan, bakarrik lidergoan gera daiteke. Marlaskaren ardura da jaitsiera saihestea. Beraz, ez du erraz jarriko.

Martintxo – Abadiño lehia aukera bat da bizkaitarrentzat. Abadiño ere hurrera dakioke Grosi. Bi taldeen arteko kontua dirudi Ligak, baina Abadiño ere borrokan sar daiteke. Hala gertatzen bada, etorkizun iluna gasteiztarrentzat. Buruko tropeltxoan ia txapelketa osoa eman eta gero, jaisteko maldan koka daiteke.

Conteneo – San Viator lehia behera begira izanen da. Berdintasuna mantentzen badute, bide onean ibiliko dira biak.

Zornotza estu dabil orain. Arrasate/Arlutz garaitu nahiko du. Hauek, ordea, salbazio ziurtatzera joanen dira. Lehia interesgarria.

Informazio gehiago: “https://ajedrezvasco.com/vercuadro12.php?f=torneos/230114EusktchDH.txt”, “http://www.xake.net/2023-fva/2023_LV-EL_DH.html” eta “http://chess-results.com/tnr718785.aspx?lan=2&turdet=YES” webguneetan.

LEHENENGO MAILA

Lehenengo bi taldeak Ohorezko Mailara igoko dira. Azkeneko lau taldeak Lurralde Txapelketetara jaitsiko dira.

2023-02-18: SEIGARREN TXANDA

Mikel Gurea (Burlata, Nafarroa) (9’5) – Danubio (Miranda Ebro) (6’5): Atzeratuta.

Santurtzi (Bizkaia) (13) – Portugalete (Bizkaia) (17): 1’5-2’5

Oberena (Iruñea, Nafarroa (12’5) – Egidazu (Gasteiz, Araba) (8’5): 3-1.

Orvina B (Iruñea, Nafarroa) (9’5) – Martintxo B (Gasteiz, Araba) (5’5): 2’5-1’5.

Calasanz (Gasteiz, Araba) (10) – Gros B (Donostia, Gipuzkoa) (8): 2-2.

M.	9	Santurtzi	Elo	-	7	Portugalete	Elo	1½:2½
2.1	FM	Iruzubieta Villaluenga Jesus M	2410	-		Perez Pacheco Ricardo	2152	½ - ½
2.2		Zubizarreta Landera Amets	2030	-		Barbazan Bilbao Xabier	2120	½ - ½
2.3		Curiel Garcia Christian	1987	-		Ruiz Abad Juan Manuel	2171	0 - 1
2.4		Wu Martin Eneko	2020	-		Perez Fernandez Modesto	2121	½ - ½
M.	1	Oberena	Elo	-	6	Egidazu	Elo	3 : 1
3.1	FM	Habans Aguerrea Javier	2306	-		Arnal Iturgaitz Aitor	2019	1 - 0
3.2		Zamarbide Inarrea Daniel	2186	-		Arce Balluerca Jorge	2027	1 - 0
3.3		Pascual Garcia Martin	2017	-		Landa Ceballos Jose Antonio	2019	0 - 1
3.4		Aguinaga Ruiz Jesus Luis	1863	-		Alvarez De Arcaya Esquide Carlos Javier	1846	1 - 0
M.	2	Orvina B	Elo	-	5	Martintxo B	Elo	2½:1½
4.1		Jimenez Martin Gustavo	2092	-		Pomares Munoz Ruben	1842	½ - ½
4.2	CM	Mombiela Martinez Gonzalo	2066	-		Khoroshykh Yaroslav	1704	½ - ½
4.3		Leone Amigot Haymar	2042	-		Sampedro Garcia Jose Luis	1744	½ - ½
4.4		Cinza Lopez Javier	1871	-		Ghorbanzadeh Pedram	1743	1 - 0
M.	3	Calasanz	Elo	-	4	Gros B	Elo	2 : 2
5.1		Pena Duarte Fabian Dario	2188	-		Abalia Patino Aritz	2168	1 - 0
5.2		Knorr Jarillo Jose	2183	-		Sanz Perez Eduardo	2082	½ - ½
5.3		Pastor Pons Carlos Luis	2105	-		Ruiz Font Elisabet	2049	½ - ½
5.4		Gallastegi De La Fuente Igor	1857	-		Lakunza Oyarbide Juan Carlos	2029	0 - 1

SAILKAPENA

1) Portugalete (Bizkaia) – 19’5 puntu.

2) Oberena (Iruñea, Nafarroa) – 15’5 puntu.

3) Santurtzi (Bizkaia) – 14’5 puntu.

4) Orvina B (Iruñea, Nafarroa) – 12 puntu.

5) Calasanz (Gasteiz, Araba) – 12 puntu.

6) Gros B (Donostia, Gipuzkoa) – 10 puntu.

7) Mikel Gurea (Burlata, Nafarroa) – 9’5 puntu.

8) Egidazu (Gasteiz, Araba) – 9’5 puntu.

9) Martintxo B (Gasteiz, Araba) – 7 puntu.

10) Danubio (Miranda Ebro) – 6’5 puntu.

PORTUGALETEK SANTURTZI GARAITU ZUEN ETA OBERENARENTZAT DA ORAIN BIGARREN POSTUA

Santurtzin izan zen lehia nagusia, lehenengo bi sailkatuen artean. Portugaletek orain arte erraz irabaziak zituen neurketa guztiak. Santurtzin ere irabazi zuen, baina ozta-ozta: 1’5-2’5.

Portugaleteko Ricardo Perez Pacheco izan zen giltzarria garaipen honetan. Lehenengo mahaian, bere 2.152ko eloarekin, Jesus Maria Iruzubieta Villaluengari egin behar izan zion aurre (2.410). Berdinketa izan zen emaitza.

Portugaleteko Juan Manuel Ruiz Abad hirugarren mahaian Chritian Curiel Garciari nagusitu zitzaion. Dena den, hori ez zen emaitza harrigarria izan. Beste bi mahaietan berdinketa gertatu zen.

Oberena bigarren kokatu da Egidazuri 3-1 irabazi ondoren. Emaitza argiagoa izan zitekeen, baina orain arte hain ongi ibilitako Martin Pascual Garciak galdu egin zuen Jose Antonio Landa Ceballosen aurka. Javier Habans Aguerreak, Daniel Zamarbide Iñarreak eta Jesus Luis Aguinaga Ruizek, ordea, ez zuten hutsik egin eta Oberenarentzat eskuratu zituzten puntuak. Hala ere, Oberena eta Santurtziren arteko lehia ez dago erabakita. Biek bigarren postua nahi dute, Ohorezko Mailara igotzeko.

Orvina B-k agian etekin gutxi atera zuen Martintxo B-ren aurka. Irabazi, bai, irabazi egin zuen, baina 2’5-1’5eko emaitza gutxitxo izan daiteke gerorako. Faborito argiak ziren mahai guztietan baina lehenengo hiruretan berdinketa izan zen emaitza. Gustavo Jimenez Martin, Gonzalo Mombiela Martinez eta Haymar Leone Amigot ez ziren gai izan garaipena lortzeko. Javier Cinza Lopezek irabazi zion Pedram Ghorbanzadeh-ri eta, behintzat, Orvina B-k irabazi zuen.

Calasanz eta Gros B-ren arteko lehia oso orekatua agertzen zen eta halaxe izan zen emaitza: 2-2. Calasanzentzat emaitza ona. Gros B-rentzat ez hainbeste, mailari eustea kolokan baitauka.

Mikel Gurea – Danubio lehia atzeratuta geratu da.

2023-02-25: ZAZPIGARREN TXANDA

Danubio (Miranda Ebro) (6’5) – Gros B (Donostia, Gipuzkoa) (10).

Martintxo B (Gasteiz, Araba) (7) – Calasanz (Gasteiz, Araba) (12).

Egidazu (Gasteiz, Araba) (9’5) – Orvina B (Iruñea, Nafarroa) (12).

Portugalete (Bizkaia) (19’5) – Oberena (Iruñea, Nafarroa (15’5).

Mikel Gurea (Burlata, Nafarroa) (9’5) – Santurtzi (Bizkaia) (14’5).

PORTUGALETEREN AURKA OBERENAREN TXANDA

Portugalete – Oberena ikusmin handiko lehia da. Oberenak bere jokalaririk onenak eraman beharko ditu emaitza ona lortu nahi badu. Zain dago Santurtzi. Burlatan Mikel Gurearen aurka jokatuko du. Burlatako taldearen jokalari gazteak ongi aritu izan dira orain arte, baina Santurtzik elo asko eta premia handia batzen ditu neurketa honetarako.

Beste hiru lehiak jaitsiera saihesteko izanen dira. Egidazu – Orvina B zertxobait iruindarren alde agertzen da, baina Gasteizen jokatuta prest izanen dituzten jokalariek gasteiztarren aldekoa bihur dezakete neurketa. Danubio – Gros B lehiak gose handia batuko du. Ea nor ateratzen den hobekiago! Martintxo B – Calasanz derbia da. Calasanz arriskurik gabe geratzeko aproposa dirudi.

Informazio gehiago: “https://ajedrezvasco.com/vercuadro12.php?f=torneos/230114Eusktch1D.txt”, “http://www.xake.net/2023-fva/2023_LV-EL_PD.html” eta “http://chess-results.com/tnr718786.aspx?lan=2” webguneetan.

2023-02-18.

Iturria: Internet.