berria.info

Larunbata, 2007ko martxoak 3.

Grosek eta Sestaok saio erabakigarriak dituzte gaur.

XAKEA. Euskal Ligako jardunaldi erabakigarria jokatuko da gaur. Azken aurreko saioak dituzte Gros liderrak eta Sestao bigarren sailkatuak -puntu erdiko abantaila baino ez dute donostiarrek-. Peña Rey Ardiden kontra ariko da Groseko taldea gaur, eta liderrak dira faborito, jaitsiera ekidin nahian baitabiltza kontrarioak. Grosekoak 4-0eko lortzen saiatuko dira azken jardunaldiari ahalik eta alde handienarekin ekin ahal izateko. Sestaoko xakelariak Aretxabaletan ariko dira, eta zalantza askorekin doaz, normalean aritzen direnak ez baitira ariko.