EUSKADIKO BANAKAKO XAKE TXAPELKETA.

 

 

 

            2007.go apirilaren 10etik 15era jokatu da, Zornotzan (Bizkaia). 7 partida izan dira. 22 jokalarik parte hartu dute.

 

            TXAPELKETAKO EZAUGARRIAK.

 

            Antolatzailea: Euskal Xake Federakuntza.

            Torneoko Zuzendaria: Miguel Ángel Muela.

            Epaile Nagusia: Lucas Iruretagoiena Pascual.

            Epailea: Miguel Ángel Almansa Martín.

            Partiden erritmoa: 90 minutu zituen jokalari bakoitzak partida amaitzeko, baina jokaldiko 30 segundoko gehiketaz.

            Txapelketako bataz besteko ELOa: 2.184 puntu.

           

            MIGUEL NAVARRO CÍA, EUSKADIKO XAKE TXAPELDUN.

 

            Miguel Navarro Cía da Euskadiko zortzigarren txapelduna. Oberena taldean jokatzen du. 25 urte ditu. FIDEko Maisua da. Bosgarren zerrendaburua zen Txapelketa hasieran. 2.338 puntu ditu FIDE ELOan. Euskal ELOan, 2.243 puntu. Nafarroako ELOan, 2.322 puntu. Jokalari iruindarra da bigarren xakelari nafarra euskal xakearen gailurrera iristen dena (1999. urtean Unai Garbisuk ere lortu zuen).

 

            Hauexek izan dira bere emaitzak:

 

            Aitor Alcaide (Gipuzkoa, 2.142 FIDE ELOkoa, 16. zerrendaburua) – Miguel Navarro: 0-1.

            Miguel Navarro – Alvaro Pérez De Miguel (Araba, 2.098 FIDE ELOkoa, 18. zerrendaburua): 0’5-0’5.

            Cristóbal Limeres (Araba, 2.279 FIDE ELOkoa, 6. zerrendaburua) – Miguel Navarro: 0’5-0’5.

            Miguel Navarro – Iñigo Martín (Gipuzkoa, 2.173 FIDE ELOkoa, 10. zerrendaburua): 1-0.

            Santiago González De la Torre (Gipuzkoa, Nazioarteko Maisua, 2.388 FIDE ELOkoa, 3. zerrendaburua) – Miguel Navarro: 1-0.

            Miguel Navarro – Juan Jesús Mindegia (Nafarroa, 2.237 FIDE ELOkoa, 9. zerrendaburua): 1-0.

            Miguel Navarro – Juan Mario Gómez Esteban (Bizkaia, Maisu Handia, 2.508 FIDE ELOkoa, 1. zerrendaburua): 1-0.

 

            MARIO GÓMEZ, ZORTZI ALDIZ TXAPELDUN IZANDAKOA, TRONUTIK ERAITSIA.

 

            Mario Gómez xakelari santurtziarra izan da Txapelketa honetan porrotik handiena jasan duena.

 

            ELOrik handiena berea, eskarmenturik handieneko xakelaria bera, azken partidan berdinketa nahikoa izan eta partida irabazteko moduan eduki...

 

Hala ere, gaztelu bat jokotik kanpo geratu zitzaion eta Miguel Navarrok gainditua ikusi behar izan zuen bere burua. Xakelari erregeak azkenean koroa askatu behar! Bizitzaren legea. Mario Gómezek 49 urte eginen ditu 2007an.

 

            Hauek izan ziren bere emaitzak:

 

            David Díez Fraile (Bizkaia, 2.166 FIDE ELOkoa, 12. zerrendaburua) – Mario Gómez: 0-1.

            Mario Gómez – Jakob Aabling-Thomsen (Gipuzkoa, 2.267 FIDE ELOkoa, 8. zerrendaburua): 1-0.

Santiago González De la Torre (Gipuzkoa, Nazioarteko Maisua, 2.388 FIDE ELOkoa, 3. zerrendaburua) – Mario Gómez: 0-1.

Mario Gómez – Mikel Huerga (Nafarroa, FIDEko Maisua, 2.344 FIDE ELOkoa, 4. zerrendaburua): 0’5-0’5.

Cristóbal Limeres (Araba, 2.279 FIDE ELOkoa, 6. zerrendaburua) – Mario Gómez: 0’5-0’5.

            Mario Gómez – Iñigo Argandoña (Gipuzkoa, Nazioarteko Maisua, 2.400 FIDE ELOkoa, 2. zerrendaburua): 0’5-0’5.

            Miguel Navarro (Nafarroa, FIDEko Maisua, 2.338 FIDE ELOkoa,  5. zerrendaburua) – Mario Gómez Esteban: 1-0.

           

            CRISTÓBAL LIMERES, HIRUGARREN, TXAPELKETA BIKAINA EGIN ONDOREN.

 

            Cristóbal Limeres jokalari arabarra seigarren zerrendaburu moduan irten zen. FIDE ELOko 2.279 puntuz borroka egiteko moduan zegoen, baina ez zirudien goi-goian ibiliko zenik. Hala ere, galdu gabe bukatu du: 3 garaipen eta 4 berdinketa. Azkeneko partidan Mikel Huerga gazte izarra gainditu zuen eta Euskadiko txapeldunik gazteena izateko aukera moztu zion.

 

            BESTE IZEN BATZUK.

 

            Iñigo Argandoña gipuzkoarra 2. zerrendaburua zen, baina seigarren postua besterik ezin izan zuen lortu (hori bai, txapeldunarengandik puntu erdira).

 

            Jon Angulo eta Juan Jesús Mindegiarekin berdindu ondoren, jokalari indartsuenekin balentria egiteko behartua zegoen. Baina Mario Gómez eta Santiago González De la Torrerekin berdintzea izan zen bere lorpena. Azkenean, gaizki ez, baina... Bi garaipen eta 5 berdinketa.

 

            Mikel Huerga iruindarra Euskal Herriko xakelari onena izateko deitua dago. Bere garaipenik sonatuena eskuratzeko moduan ibili da. Baina denboraren estuasunak korapiloan nahastea eragin zion, gaztelua galdu eta karameloa ahotik kenduta geratu da. Iritsiko zaio ordua, hala ere. Azkenean, bosgarren postua, liderrarengandik puntu erdira.

 

            Santiago González De la Torre bilbotarra (Gipuzkoan federatua) izan da txapeldunordearen postua lortu duena. Nahiko Txapelketa txukuna egin du, baina ezberdinketako zenbakiek ez diote lagundu. Mario Gómezekin galdu zuen hirugarren partidan eta horrek atzetik aurrera joatea eragin zion. Miguel Navarro txapeldunari irabazitako bakarra izan da. Gero, Mikel Huerga eta Iñigo Argandoñarekin berdintzea ez du nahikoa izan txapela bereganatzeko.

 

            Alvaro Pérez De Miguel arabarra ustekabea izan da. 18. zerrendaburua zen, bere 2.098 FIDE ELOarekin. Baina zazpigarren bukatu du, Miguel Navarrorengandik puntu erdira. Mikel Huerga eta Iñigo Argandoñarekin galdu zuen, baina Miguel Navarrori berdindu zion eta Jakob Aabling-Thomsen eta Iñigo Martin garaitu zituen.

 

            Alberto Andrés iazko txapeldunordeak ez du parte hartu edizio honetan.

 

            AZKENEKO IHARDUNALDIKO EMAITZAK.

 

            Miguel Navarro (4) – Mario Gómez (4’5): 1-0.

            Iñigo Argandoña (4) – Santiago González De la Torre (4’5): 0’5-0’5.

            Cristóbal Limeres (4) – Mikel Huerga (4’5): 1-0.

            Jakob Aabling-Thomsen (3’5) – Alvaro Pérez De Miguel (3’5): 0-1.

            Iñigo Martín (3) – David Astasio (3’5): 1-0.

            Juan Jesús Mindegia (3) – Ricardo Gilarte (3): 1-0.

            Luis Javier Arias (2’5) – Jesús Agirretxe (3): 1-0.

            Jon Angulo (2’5) – Yeray Galzagorri (2’5): 1-0.

            Erlantz Miguélez (2) – David Díez Fraile (2’5): 0-1.

            Aitor Alcaide (2’5) – Asier Iza (0’5): 1-0.

            José Cendagortagalarza (0’5) – Igor Villalta (2’5): 0-1 (jokatu gabe).

 

            AZKENEKO SAILKAPENA.

 

1)      Miguel Navarro Cía (Nafarroa) – 5 puntu.

2)      Santiago González De la Torre (Gipuzkoa) – 5 puntu.

3)      Cristóbal Limeres Guiance (Araba) – 5 puntu.

4)      Juan Mario Gómez Esteban (Bizkaia) – 4’5 puntu.

5)      Mikel Huerga Leatxe (Nafarroa) – 4’5 puntu.

6)      Iñigo Argandoña Rivero (Gipuzkoa) – 4’5 puntu.

7)      Alvaro Pérez De Miguel (Araba) – 4’5 puntu.

8)      Juan Jesús Mindegia Guruceaga (Nafarroa) – 4 puntu.

9)      Iñigo Martín Alvarez (Gipuzkoa) – 4 puntu.

10)  Jakob Aabling-Thomsen (Gipuzkoa) – 3’5 puntu.

11)  David Astasio López (Araba) – 3’5 puntu.

12)  Jon Angulo Martínez (Bizkaia) – 3’5 puntu.

13)  Aitor Alcaide Luque (Gipuzkoa) – 3’5 puntu.

14)  David Díez Fraile (Bizkaia) – 3’5 puntu.

15)  Igor Villalta Bustillo (Araba) – 3’5 puntu.

16)  Luis Javier Arias García (Bizkaia) – 3’5 puntu.

17)  Jesús Agirretxe San Sebastián (Gipuzkoa) – 3 puntu.

18)  Ricardo Gilarte Simón (Bizkaia) – 3 puntu.

19)  Yeray Galzagorri Uli (Bizkaia) – 2’5 puntu.

20)  Erlantz Miguélez García (Araba) – 2 puntu.

21)  José Cendagortagalarza Rodríguez (Bizkaia) – 0’5 puntu.

22)  Asier Iza Gallastegui (Bizkaia) – 0’5 puntu.

 

 

 

TXAPELKETAREN HISTORIA.

 

 

 

URTEA

JOKALEKUA

TXAPELDUNA

1987

Barakaldo

Félix Izeta

1988

Elorrio

Mario Gómez

1989

Amorebieta

Francisco Gallego

1990

Irun

Mario Gómez

1991

Arrasate

Félix Izeta

1992

Bergara

Rafael Álvarez

1993

Basauri

Jesús M. Iruzubieta

1994

Zarautz

Rafael Alvarez

1995

Ruta de Europa Hotela

Jesús M. Iruzubieta

1996

Ruta de Europa Hotela

Jesús M. Iruzubieta

1997

Ruta de Europa Hotela

Mario Gómez

1998

Ruta de Europa Hotela

Mario Gómez

1999

Ruta de Europa Hotela

Unai Garbisu

2000

Ruta de Europa Hotela

Rafael Álvarez

2001

Ruta de Europa Hotela

Mario Gómez

2002

Ruta de Europa Hotela

Felix Izeta

2003

Ruta de Europa Hotela

Mario Gómez

2004

Portugalete

Santiago González

2005

Portugalete

Mario Gómez

2006

Zornotza

Mario Gómez

2007

Zornotza

Miguel Navarro

 

 

 

PALMARESA.

 

 

 

1)      Mario Gómez – 8 titulu.

2)      Rafael Alvarez – 3 titulu.

3)      Jesús M. Iruzubieta – 3 titulu.

4)      Félix Izeta – 3 titulu.

5)      Francisco Gallego – Titulu bat.

6)      Unai Garbisu – Titulu bat.

7)      Santiago González – Titulu bat.

8)      Miguel Navarro – Titulu bat.

 

 

 

 

 

 

 

                2007-04-15.

 

                Iturria: “http://www.ajedrezvasco.com”.