Ostirala, 2007ko uztailak 27.
ZuzenDarIaRI.
Ohorea.
Kirol arlo guztietan Euskal
Selekzioaren egoera ez da askorik aldatu. Herri bezala dauzkagun eskubideak,
behin eta berriro, urratuak izaten ari dira. Nazioartean aritzeko ere, euskal
kirolariak Frantziaren edo Espainiaren izenean egitera behartuta daude.
Herriaren nahia ez da
errespetatzen. Egindako inkestek argi adierazten dute Euskal Selekzioa gehiengo
zabal batek nahi duela. Baina trabak eta oztopoak besterik ez dira bidean.
Urtero ESAITek hainbat ekimen
antolatzen ditu. Besteak beste, mendi martxa bat. Aurten uztailaren 28tik
abuztuaren 4ra bitartean, zortzi eguneko zeharkaldia egingo dugu, Bastidan hasi
eta Gernikan amaitu; egunero 8/10 orduko txangoak, mendian gora mendian behera,
Zazpi urte daramatzagu ekimen
honekin. Urte hauetan guztietan, harrera eta jarrera ezberdinak jaso ditugu.
Ongietorri beroak eta hunkigarriak, baina baita hoztasunak ere. Alderdi
politiko batzuen laguntza izan dugu, besteek beste aldera begiratzen zuten
bitartean. Baina orain arte, lotarako lekua, ibiltzeko baimenak, zeharkaldia
egin ahal izateko behar diren baliabideak, berriz diogu, orain arte, arazo
handirik ez dugu izan.
Bai alde batetik eta bai
bestetik, kolore ezberdinetako uniformeak bidelagun izan ditugu. Baina
urtero hasi eta bukatu dugu. Ardura eta konpromisoa aurrera eraman ditugu.
Urtero gauza desberdinak
gertatzen dira. Aurten, zazpi urte pasa ondoren, Portugaleteko Udala izan da,
lehendabiziko aldiz, lotarako lekua ukatu diguna. Ohorea beraientzat, ideiak
eta aniztasuna ulertzeko era bitxia benetan.
PSEko kideak ez daude Euskal
Selekzioarekin ados. Adierazteko era garbia hau izan da. Oinarrizko baliabideak
ukatu dizkigute, 100 pertsonak behar dugun lotarako lekua besterik eskatzen ez
bagenuen ere.
Baina tira, Portugaleteko
hainbat eragilek harrera egingo digute, lotarako lekua eskaini digute
Portugaleten ere, gaua igaroko dugu, nahiz eta PSEren gustukoa ez izan.
Eskerrik asko, Portugalete.
Eskerrik asko, pasatzen garen leku bakoitzean duzuen jarrerarengatik. Animo,
eta gurekin batera parte hartzera gonbidatzen zaituztegu, denon artean Euskal
Selekzioa nahi dugula aldarrika dezagun.
Aurten ere, hasi eta bukatuko
dugu.
Maite Lasa eta Txiki Falero. ESAIT-en mendi martxaren koordinatzaileaK.
©
berria.info