Larunbata, 2007ko uztailak 28.

ESAITen mendi martxa gaur irtengo da Bastidatik Gernikara.

Aurtengo mendi martxak selekzioaren ofizialtasuna eta EHNA izango ditu aldarri 8 eguneko ibilbidean.

erredakzioA.

Iazko mendi martxa azken etaparen amaieran, Ziordian.

LANDER FERNANDEZ/ARGAZKI PRESS.

ESAIT Euskal Selekzioaren Aldeko Iritzi Taldeak urtero antolatu ohi duen mendi martxa gaur hasiko da Bastidan (Araba). 10:30ean irtengo da eliza aurreko plazatik. Aurtengoa 7. edizioa izango da eta abuztuaren 4an, astebeteko ibilbidea egin ondoren, Gernikan (Bizkaia) amaituko da. Leloa, Kalean nahiz mendian erabili EHNA izango da. Selekzioaren ofizialtasuna aldarrikatzeaz gain, euskal agiria ere sustatu nahi dute ESAITekoek eta mendizale guztiei EHNA erabiliz ateratzeko dei egin diete.

Mendi martxa 8 etapatan banatuta egongo da. Bastidatik Gernikara bitartean Beranturi, Kuartango, Urduña, Artziniega, Balmaseda, Portugalete eta Mungia zeharkatuko ditu. Egunero 7-8 orduko, 30 kilometro inguruko txangoak egingo dituzte. Martxaren aurrean, ibilbidea ezagutzen duen gidari bat joango da, eta talde oso- aren koordinazioa ziurtatzeko beharrezko tresnak erabiliko ditu antolakuntzak. Lotarako lekuak, dutxak eta otorduak ere izango dira. Martxaren azken egunean herri bazkaria eta harrera ekitaldia egingo dira Gernikan.

ESAITek selekzioaren ofizialtasuna aldarrikatzeko makina bat ekitaldi antolatu ohi du urte osoan. Hala ere, haren esanetan, azken urteetan «ez da aurrerapausorik eman». ESAITen ustez, herrian, jendea euskal selekzioaren alde dago, baina zenbait erakundek eta alderdi politikok «ez dute ezer jakin nahi». Kirola aldarrikapenerako bide egokia dela uste du ESAITek.

© berria.info