Osteguna, 2007ko abuztuak 2.

Balmasedara iritsi da ESAITen mendi martxa, eta hiru etapa falta zaizkio.

ERREDAKZIOA.

DonostiA.

Joan den egunetako berorik gabe, aurtengo ekitaldiko bosgarren etapa osatu zuten atzo ESAITen mendi martxako kideek. Artziniegatik Balmasedarako ibilbidea egin zuten atzo (Bizkaia), eta orain arteko etaparik motzena osatu. Beroak eragindakoak izan dira orain arteko oztoporik handienak, gainontzean harrera ezin hobea jaso baitute izan diren toki guztietan. Atzoko etapa laburra ohi baino atseden gehiago hartzeko baliatu zuten, eta herri afaria izan zuten ondoren Balmasedan.

70 lagun dira egunero martxan dabiltzanak, eta beste hainbat sartu eta irten dabiltza. Balmasedatik Portugaletera egingo dute gaur. Portugalete izan da eragozpenak jarri dizkien herri bakarra.

© berria.info