Asteazkena, 2007ko irailak 26.
Anandek eta Kramnikek berdindu egin dute, eta Anandek
jarraitzen du lider.
ERREDAKZIOA.
DonostiA.
Igandean amaituko da Munduko
Xake Txapelketa, Mexiko Hirian. Astebeteko jardunaren ostean, bihar atseden
eguna izango dute, baina lehen posturako lehian nor ariko diren argitzen hasi
dira jada. Orain arte, jokalari bat nabarmendu da beste guztien gainetik:
Viswanathan Anand.
Azken jardunaldian Vladimir
Kramnik egungo txapeldunak eta Viswanathan Anandek neurtu dituzte indarrak.
Sailkapen nagusiko lehen bi xakelariak direla kontuan hartuta, bazegoen
ikusmina elkarren kontrako hori ikusteko, baina berdinduta amaitu zen azkenean,
eta Anandek lehen postuari eustea lortu zuen.
44 mugimenduko partida gogorra
izan zen. Oldarkorrago aritu zen errusiarra indiarra baino, baina ongi itxi
zizkion aukera guztiak azken horrek lehenengoari, eta berdinketa sinatu zuten
azkenean. «Kramniken kontra pieza beltzekin jokatzea ez da erraza. Une batetik
aurrera ez zen ezertxo ere argi ikusten, eta logikoa zen berdinketa adostea»,
adierazi zuen Anand maisu indiarrak partidaren amaieran.
Gelfand israeldarrak aukera zuen
lehen postura hurbiltzeko, baina Lekok ez zuen amore eman, eta berdinduta
amaitu zuten.
############
saILKaPenA.
MUNDUKO
TXAPELKETA.
1. V. Anand
(India) 6,5 puntu
2. B. Gelfand
(Israel)
3. V. Kramnik
(Errusia)
-. P. Leko
(Hungaria)
-. L. Aronian
(Armenia)
8. P. Svidler
(Errusia)
############
©
berria.info