Beethovenen bederatzi sinfoniak _Xake Txapelketako Ligaren hariara antolatu dute kontzertu saila 2007-11-02

berria.info

Beethovenen bederatzi sinfoniak, Gasteizen

ERREDAKZIOA

Gutxi dira munduan errepertorioan Beethovenen sinfonia guztiak dituzten orkestrak. Horietako bat da Errusiako Estatuko Akademiako Orkestra Sinfonikoa, eta Gasteizen izango da gaurtik aurrera eta asteazkena arte, bederatzi sinfoniak jotzeko.

Xake Txapelketako Txapeldunen Ligaren harira antolatu dute kontzertu saila. Munduko sei txapeldun elkartuko dira Mundu hobearen alde jokatu ekimenean. Kongoko Errepublika Demokratikoan laguntzeko egitasmo baterako dirua lortzea da ekimenaren xedea. Kontzertuetara sartu nahi dutenek eskaintza egin beharko dute, gutxienez 25 eurokoa eguneko. Gonbidapenak Araba Kulturalean jaso behar dira (Postak kalea, 17) Informazioa: 945-15 01 47 telefonoan.

Musika. Beethovenen bederatzi sinfoniak, Errusiako Estatuko Akademiako Orkestra Sinfonikoaren eskutik. Lekua: Apaiztegiko kaperan. Noiz: Azaroak 2, 3, 4, 6 eta 7. 20:30ean.