Topaloventzat izan da txapela

berria.info

Larunbata, 2007ko azaroak 17.

Topaloventzat izan da txapela.

Xake jokalari bulgariarrak irabazi du Gasteizen jokatutako Txapeldunen Liga lehiaketa.

erredakzioA.

GasteiZ.

Veselin Topalovek ez zuen huts egin herenegun Gasteizen, eta Txapeldunen Liga irabazi zuen. Jokalari bulgariarrak txapeldunen moduan lortu zuen titulua, azken partidan Judit Polgarri irabazita. Hungariarra gogotik saiatu zen Topalovi txapela kentzen -garaipenarekin, berea zen titulua-, baina alferrik. Topalovek behetik gora eginda lortu du garaipena Txapeldunen Ligan. Azken hiru partidak irabazi zituen jarraian -Liviu Nisipeanu errumaniarrari, Ruslan Ponomariov ukrainarrari eta Polgarri- , eta horri esker izan da txapeldun.

Ponomariov sailkatu da bigarren, Topalovengandik puntu eta erdira. Ukrainarrak bikain hasi zuen txapelketa, baina azken partidetan behera egin eta aurretik egindako lan guztia hankaz gora bota zuen. Polgar eta Nisipeanu sailkatu dira hirugarren eta laugarren, bost punturekin. Rustam Kasimdzhanov uzbekistandarra, berriz, bosgarren izan da, 4,5 punturekin. Anatoli Karpov errusiarrarentzat izan da azken postua. Munduko txapeldun ohiak lan eskasa egin du, eta hiru puntu eskas lortu ditu.

############

saILKaPenA.

TXAPELDUNEN LIGA.

1. Veselin Topalov 7 puntu.

2. Ruslan Ponomariov 5,5 puntu.

3. Judit Polgar 5 puntu.

4. Liviu-Dieter-Nisipeanu 5 puntu.

5. Rustam Kasimdzhanov 4,5 puntu.

6. Anatoli Karpov 3 puntu.

############