Asteazkena, 2007ko abenduak 12.
Abian da Elgoibarko Nazioarteko Xake Torneoa.
josu tornaY.
DonostiA.
Herenegun hasi zen Elgoibarko
XVII. Nazioarteko Xake Torneoa. Euskal Herrian antolatzen diren txapelketa
itxien artean jokalari onenak izan ohi dituena da; eta parte-hartzaileen
artean, adibidez, Veselin Topalov
dago. Lehen bi ekitaldietan jokatu zuen bulgariarrak 16 eta 17 urterekin.
Munduko onenen artean egongo zela aurreikusten bazen ere, bigarren postuarekin
konformatu behar izan zuen 1991n eta 1992an.
Txapelketak ere euskal
jokalariak gorengo mailan jokatzeko balio izan du. Mario Gomez, Felix Izeta eta
Jesus Iruzubieta beste batzuren artean dira ekitaldi
gehien jokatu duten euskal maisuak. Azken urteetan, Gomezekin
batera, Iņigo Argandoņa eta Santi Gonzalez euskal
jokalariak sarri aritu dira. Aurten, Mikel Huergak
ere jokatuko du, eta harekin belaunaldi gazteago bat lekua hartzen hasi da.
Euskaldunen artean bakarrik Gomezek eta Izetak lortu
dute txapelketan nagusitzea. Izetak 1996an irabazi zuen eta Gomezek
1999an.
Atzerritarren artean batez ere Oleg Korneev maisu handia aipatu
behar da. 10 aldiz jokatu du torneoa errusiarrak -aurtengoarekin 11 izango
dira- , eta horietatik bostetan nagusitu eta hirutan izan da txapeldunorde.
Aurten ere faboritoen artean izango da, baina Mirzoev
azerbaijandarra (iazko txapelduna), Paunovic
serbiarra, Prie frantziarra eta, batez ere, Miton poloniarra aurkari gogorrak izango dira. Miton jo daiteke faborito nagusitzat, duen eloa kontuan hartuta (2.628). Euskal jokalarien artean
berriro Gomez aurreikusten da onenen artean sartzeko. Baina Gonzalez eta Huerga torneoko ezustekoak izan daitezke. Gonzalez
ezustekoa izan zen 2001ean, bigarren sailkatuta. Bestalde, Huergaren
garapenak edozer lortzeko gai dela erakusten du. Iņigo Argandoņa, berriz, ez da
ariko.
Š berria.info