Asteartea, 2009ko urtarrilak 13.
Ezustekorik gabe amaitu da Xakeko Euskal
Ligako lehen jardunaldia.
Iaz bezala,
Gros-Iretza eta Naturgas-Sestao taldeak dira Liga irabazteko faboritoak, eta
biak buruan daude.
Josu Tornay. DonostiA.
Zapatuan hasi zen
2009ko Euskal Liga, eta, Ohorezko Mailari dagokionez, historiako torneorik
sendoenetakoa izango da -hamarna talde ariko dira Ohorezko Mailan eta Lehen
Mailan-. Gros-Iretza da, berriz ere, liga bederatzigarrenez jarraian irabazteko
faboritoa. Boris Gelfand izango da aurten ere haien 1. taula. Israeldarra
munduko 15.a da, baina taldeko beste bi jokalari ere munduko 100 onenen artean
daude: Bacrot frantziarra (21.a) eta Kasimdzhanov uzbekistandarra (42.a).
Hala ere, Grosek
etxeko jokalariekin jokatzen du Euskal Liga, eta Espainiako eta Europako
txapelketetan beharrezkoa denean bakarrik erabiltzen ditu fitxatutako jokalari
onak. Lehen jardunaldian, esaterako, Batallaren aurka, Bauer egon zen lehen taulan
eta etxeko Argandoņa, Gonzalez eta Muņoz besteetan. Batalla, Pasai Donibanekoa,
talde sendoa da, baina puntu erdia bakarrik egin zuen lehen taulan. Pibe
Alonsok berdindu egin zuen Bauer frantziarraren kontra.
Sestaok aurten
ere talde zoragarria egin du. Spragettek ez dago taldean, baina Vachier-Lagrave
frantziarra (munduko 33.a) eta Moiseenko ukrainarra (48.a) goi mailako
jokalariak fitxatu ditu. Bizkaitarrek Romain, Conquest, Gomez eta Franco atera
zituzten, eta 3,5 puntu egin zituzten. Arabako Subijanako Ruta de Europak ere
3,5 puntu egin zituen Zuri-Baltzaren aurka. Beste bi lehiak estuak izan ziren.
Gasteizko San Viatorrek 3-1 gainditu zuen Bilboko Rey Ardid, eta Errenteriako
Kultur Sustapenak 2-2 berdindu zuen Barakaldoren aurka.
############
SailkapenA.
1. JARDUNALDIA.
1. Ruta
de Europa 3,5 puntu.
2. Gros-Iretza
3,5 pt.
3. Naturgas
Sestao 3,5 pt.
4. San Viator 3
pt.
5. Kultur
Sustapena 2 pt.
6. Barakaldo 2
pt.
7. Peņa
Rey Ardid 1 pt.
8. Orvina 0,5 pt.
9. Batalla 0,5 pt.
10. Zuri Baltza
0,5 pt.
############
Š berria.info