NAFARROAKO BANAKAKO XAKE TXAPELKETAKO MAILA NAGUSI BEREZIA.

(2009.go apirilaren 8tik 12ra).

 

 

 

            Iruņeko Oberena taldearen lokalean jokatu zen, asteazkenetik igandera arte, arratsaldez. Jokalari bakoitzak 90 minutu zituen partida osatzeko, jokaldiko 30 segundoko gehiketaz.

 

            Unai Garbisu eta Jose Miguel Ugalde aurreko urtetik sailkatuta zeuden, lehenengo bi postuetan geratu zirelako. Hala ere, ez zuten parte hartu.

 

            Daniel Zamarbide eta Eduardo Burguete Maila Nagusian lehenengo bi postuetan geratu zirenez, sailkatuta zeuden. Zoritxarrez, Eduardo Burguetek ez zuen Txapelketa hasi. Gripeak jota utzi zuen, ordezkatzeko astirik gabe.

 

            Elo-agatik bi jokalarik sartu behar zuten Final honetan. Garbisuk eta Ugaldek ez jokatzean, parte hartzaileak berregokitu ziren. Elo-agatik Sergio Navarrete, Jose Luis Olazagoitia eta Iņigo Montoya sartu ziren. Adrian Leranoz Maila Nagusiko hirugarren sailkatua ere aritu zen.

 

            Sergio Navarretek erdian Txapelketa utzi zuen. Beraz, Torneoa osorik 4 jokalarik bete zuten. Antzeko zerbait gertatu zen iaz. Ezin daiteke erran Maila Nagusi Berezi berri hau arrakastatsua gertatzen ari denik.

 

         AZKENEKO SAILKAPENA.

 

1)    Iņigo Montoya Irigoyen – 4 puntu.

2)    Daniel Zamarbide Iņarrea – 3’5 puntu.

3)    Jose Luis Olazagoitia Rodriguez – 3 puntu.

4)    Adrian Leranoz Zabalza – 3 puntu.

5)    Sergio Navarreta Delgado – 1’5 puntu.

6)    Eduardo Burguete Archel – 0 puntu.

 

Lehenengo egunean, pieza beltzekin, Iņigo Montoyak Daniel Zamarbide gainditu zuen. Biak dira Oberena taldekoak. Une horretan ez zirudien partida erabakigarria izanen zenik. Baina halaxe izan zen.

 

            Orvinako Navarretek eta Olazagoitiak berdindu zuten. Paz de Zigandako Leranozen eta Burgueteren arteko partida ez zen jokatu eta puntua Leranozek bereganatu zuen.

 

            Bigarren egunean, Leranozek Navarreteri irabazi zion. Ziur aski, emaitza honek bere eragina izan zuen Orvinakoak Txapelketa uzteko. Bere garrantzia izan zuen neurketa honek.

 

            Olazagoitiak eta Zamarbidek berdindu zuten. Iņigo Montoyak jokatu gabe irabazi zuen, Burgueteren aurka.

 

            Hirugarren egunean, Olazagoitiak Iņigo Montoyari irabazi zion eta Daniel Zamarbidek Adrian Leranozi. Jose Luis Olazagoitiak hartu zuen lidergoa (garaipen bat eta bi berdinketa).

 

            Sergio Navarretek puntua irabazi zuen, Burgueterekin jokatu gabe.

 

            Laugarren egunean, partida bakarra jokatu zen: Iņigo Montoyak Adrian Leranozi irabazi zion.

 

            Olazagoitiak eta Daniel Zamarbidek jokatu gabe irabazi zuten.

 

            Bosgarren egunean, Jose Luis Olazagoitia-Adrian Leranoz partida zen mahaian jokatzeko bakarra. Olazagoitiak garaipena behar zuen Iņigo Montoyarekin puntuz berdindu eta sonnenberg-agatik gainditzeko. Galdu egin zuen, ordea.

 

            Daniel Zamarbidek eta Iņigo Montoyak jokatu gabe irabazi zuten.

 

            Iņigo Montoya Nafarroako txapeldun geratu zen, porrot bakarra edukita. Bigarren, Daniel Zamarbide, porrot bat eta berdinketa bat bidean utzita. Jose Luis Olazagoitia, hirugarren, partida bat galduta eta 2 berdinduta. Laugarren, Adrian Leranoz, 2 porrotekin (eta bi garaipen garrantzitsurekin, Navarrete eta Olazagoitia k.o. utzi baitzituen).

 

            Hurrengo urterako Iņigo Montoya eta Daniel Zamarbide sailkatu dira, Araudia aldatzen ez bada.

 

         NAFARROAKO BANAKAKO XAKE TXAPELKETAKO PALMARESA.

 

1)    Jose Leuza Garcia – 8 titulu.

2)    Unai Garbisu De Goņi – 6 titulu.

3)    Joaquin Antunez Riezu – 4 titulu.

4)    Jesus Maria Gonzalez Pabollet – 2 titulu.

5)    Mikel Huerga Leatxe – 2 titulu.

6)    Sergio Navarrete Delgado – 2 titulu.

7)    Angel Pardo Pardo – 2 titulu.

8)    Eduardo Ros Octavio de Toledo – 2 titulu.

9)    Jose Antonio Bernaldo de Quiros – Titulu bat.

10) Jesus Javier Boyero Gabarre – Titulu bat.

11) Jose Maria Celaya Tapiz – Titulu bat.

12) Jesus Javier Cortes Bueno – Titulu bat.

13) Fernando Garcia Delgado – Titulu bat.

14) Gustavo Jimenez Martin – Titulu bat.

15) Santiago Karasusan Izkue – Titulu bat.

16) Juan Jesus Mindegia Guruceaga – Titulu bat.

17) Gonzalo Mombiela Martinez – Titulu bat.

18) Iņigo Montoya Irigoien – Titulu bat.

19) Jose Maria Muruzabal Samper – Titulu bat.

20) Miguel Rada Equiza – Titulu bat.

21) Jose Manuel Redin Miqueleiz – Titulu bat.

22) Pedro Viņal Gutierrez – Titulu bat.

 

            2009-04-12.

 

            Iturria: Nafarroako Xake Federakundea.