KONPUTAGAILUEN NAZIOARTEKO ASTEA.

2009.go maiatzaren 11tik 18ra.

 

 

 

Kondestablearen Jauregian izanen diren ekitaldi batzuk biltzen ditu. Iruñeko Alde Zaharrean dago, kale Nagusian.

 

            Antolatzaileak: Nafarroako Gobernua, CEIN (Nafarroan Enpresen eta Berrikuntzen Europako Zentroa) eta Respuesta Digital.

 

            Antolaketan partaideak: Iruñeko Udala eta ICGA.

 

            Diru babesleak: Navarmedia, Fundetec eta Diario de Navarra.

 

            Laguntzaileak: Nafarroako Unibertsitate Publikoa eta Nafarroako Xake Federakundea.

 

 

 

ORDENAGAILUKO XAKEKO MUNDUKO XVII. TXAPELKETA.

 

            Munduko xake programarik onenen arteko lehiak garatuko dira. Ordenagailuek mugimenduak kalkulatuko dituzte eta programatzaileek taulan egin.

 

            57 adituk parte hartuko dute, batzuk leku urrunetatik etorriak, hala nola Persiatik, Japoniatik, Namibiatik edo Poloniatik.

 

            Honelako Txapelketa aurretik Beijing (Txina), Amsterdam (Herbehereak), Turin (Italia) eta Reykiavic (Islandia) hirietan jokatu da. 2007an eta 2008an Rykba xake programak irabazi zuen. Vasij Rajlich eta Larry Kaufman estatubatuarrek sortu zuten.

 

 

 

INTERNET-AREN NAZIOARTEKO EGUNA.

 

 

            Igandean, maiatzak 17, izanen da. Hori dela eta, xakeko lehia jokatuko da haur nafar eta taiwandarren artean (internet bidez).

 

 

 

ALDI BEREKO PARTIDAK DAVID LARIÑOREN AURKA.

 

 

            Igandean, maiatzak 17, arratsaldeko 4etan, David Lariño galiziarraren aurka aldi bereko 25 partida jokatuko dira. 19 urteko xakelari hau Espainiako azkeneko Txapelketa irabazi zuen. Oraindik tokia dago haren aurka aritzeko. Izena Nafarroako Xake Federakundean eman behar da.

 

 

 

ESKOLA-UMEEN CEIN XAKE TXAPELKETA.

 

 

 

            Larunbat goizean, maiatzak 16, jokatuko da.

 

 

 

HITZALDIAK.

 

 

 

            “Xake programa nola diseinatzen den”. “Xake programen eragina farmazia-industrian edo nekazaritzaren planifikazioan”. Leontxo Garcia irundarra izanen da hizlaria. FIDEren Urrezko Liburuan dago bere izena, xakearen garapenerako bere aparteko ekarpenagatik. 10.000 kronika idatziak ditu. “El Pais”-en eta Espainiako Irrati Nazionalean xake korrespontsala da.

 

            “Krisi garaietan estrategiak eta erabakiak hartzea”. Miguel Illescas kataluniarra eta Xakeko Maisu Handia  izanen da hizlaria. Xakearen bidezko ikuspegia azalduko du.

 

            “Konputazioa”. 35 aditu arituko dira teknologia honetaz. Xake pentsamendua enpresetan eta beste arloetan aplikatzeko adarra da.

 

 

 

XAKEA ETA TEKNOLOGIAK.

 

 

 

            Asteburuan, xakea eta teknologiak batuko dira zenbait ekintzatan. Leontxo Garciak zuzenduko ditu, eskola-ume eta zaleentzat.

 

 

 

BESTELAKOAK.

 

 

 

            Bestelako ekitaldiak izanen dira, xakearekin loturarik gabe, baina ordenadoreen munduarekin zer ikusia izanen dutenak.

 

 

                2009-05-11.

 

                Iturria: Nafarroako Xake Federakundea.