MIKEL GUREA X. XAKE TXAPELKETA.
ADISKIDETASUNAREN EUSKAL ZIRKUITUKO TALDEKAKO TORNEOA.
Eguna:
2009.go azaroaren 28an (larunbata), arratsaldeko 4 eta
erdietan.
Tokia:
Burlatako Kultur Etxea (Burlata, Nafarroa). Benten
Errondaren ondoan (Hilarion Eslava Ikastetxearen aurrean).
Ezaugarriak:
Taldekako Txapelketa da. Talde bakoitzean, 4 jokalari eta
ordezko bat.
5 minutuko partidak izanen dira.
Joko sistema:
Parte hartzaileen arabera.
Ezberdinketak:
1) Sonnen; 2) beren arteko emaitza; 3) Holandarra.
Ordutegia:
Arratsaldeko 4 eta erdietan, Torneoaren aurkezpena.
16 h 45’: Torneoaren hasiera.
20 h gutxi gora behera: Sarien banaketa.
21 h: Euskal Herria Peñan afaria, gonbidatutako taldeentzat. Afaldu eginen dela
baieztatu beharra dago.
Izen ematea:
Parte hartzea dohainik da baina gonbidapena
beharrezkoa da.
Taldeek izena emateko azken eguna: 2009.go
azaroaren 26an (asteazkena). Jokalarien zerrenda eta afarirako baieztapena
ordurako adierazi beharra dago.
Harremanetarako: “mrazkin@hotmail.com”
helbide elektronikoa; 699 55 96 04 telefonoa.
Informazio gehiago: “www.mikelgurea.com” webgunean.
Sariak:
Lehenengo hiru talde sailkatuentzat: Trofeoa.
20, 14 ETA 10 URTEZ AZPIKO TXAPELKETAK.
Eguna:
2009.go azaroaren 29an (igandea).
Tokia:
Burlatako Kultur Etxea (Burlata, Nafarroa). Benten
Errondaren ondoan (Hilarion Eslava Ikastetxearen aurrean).
Ezaugarriak:
Taldekako Txapelketa da. Talde bakoitzean, 4 jokalari eta
ordezko bat. Beste taldeetako jokalariak gehitzeko antolatzaileen baimena behar
da. Bestela, baimenik gabe, taldea kanporatzea ekarriko luke.
20 urtez azpiko VI. Xake Txapelketa, 1990.
eta 1995. urteen artean (edo ondoren) jaiotako xakelarientzat izanen da.
14 urtez azpiko X. Xake Txapelketa, 1996. eta
1999. urteen artean (edo ondoren) jaiotakoentzat.
10 urtez azpiko III. Xake Txapelketa, 2000.
urtean edo ondoren jaiotakoentzat.
15 minutuko partidak izanen dira. Lehenengo jokaldi
ilegalean, ohartarazpena eginen da; bigarrenean, partida galtzen da. 10 urtez
azpiko Txapelketan, bigarren jokaldi ilegalean, bigarren ohartarazpena eta
hirugarrenean partida galtzen da.
Joko sistema:
Sistema suitzarra erabiliko da.
Jokalarien igoera:
14 urtez azpiko jokalariek joka dezakete 20
urtez azpiko mailan bere klubaren talde bakar batekin (inoiz ez, txanda berean
bi talderekin). 20 urtez azpiko taldean bigarren partida jokatu ondoren, maila
horretan geratuko da. Azkeneko mahaian sartuko da, datorren beheko taldearen
ordena gordeta beti ere.
10 urtez
azpiko jokalariekin berdin gertatzen da, baina joka dezakete 14 urtez eta 20
urtez azpiko mailetan.
Ezberdinketak:
1) Sonnen; 2) beren arteko emaitza; 3) Holandarra.
Ordutegia:
Arratsaldeko 4etan, Torneoaren aurkezpena.
16 h 15’ – 16 h 45’: Lehenengo jardunaldia.
17 h 00’ – 17 h 30’: Bigarren jardunaldia.
17 h 45’ – 18 h 15’: Hirugarren jardunaldia.
18 h 30’ – 19 h 00’: Laugarren jardunaldia.
19 h 15’ – 19 h 45’: Bosgarren jardunaldia.
20 h 00’ – 20 h 30’: Seigarren jardunaldia.
20 h 45’: Sarien banaketa.
Izen ematea:
Taldeek izena emateko azken eguna: 2009.go
azaroaren 26an (asteazkena). Jokalarien zerrenda eta jaiotegunak ordurako
adierazi beharra dago.
Maila bakoitzean klub bakoitzak
gehienez bi talde aurkez ditzake. Gehiago aurkeztu nahi izanez gero,
antolatzaileei aldez aurretik jakinarazi behar zaie.
Harremanetarako: “mrazkin@hotmail.com”
helbide elektronikoa; 699 55 96 04 telefonoa.
Informazio gehiago: “www.mikelgurea.com” webgunean.
Sariak:
Maila bakoitzeko lehenengo hiru talde sailkatuentzat:
Trofeoa.
Torneo bakoitzeko hiru jokalaririk
hoberenentzat: Trofeoa. Hau erabakiko da hurrengoak kontutan hartuta: 1)
Puntuak; 2) portzentaia; 3) mahaia; 4) taldea.
20 urtez azpiko eta 14 urtez azpiko lehenengo 3
taldeetako jokalarientzat: Dominak. Baita ere 10 urtez azpiko jokalari
guztientzat.
Jokalari guztientzat
oparitxoa.
2009KO TORNEOA.
2007. urtean 208 jokalari bildu ziren Torneo
honetan eta Nafarroan, parte hartzeari dagokionez, inoizko handiena bihurtu
zen.
Aurten, ordukoa gainditzeko asmoz, parte
hartzea irekia izanen da. Burlatako Kirol Patronatuaren laguntza izanen dugu
horretarako. Hilarion Eslava Ikastetxea txikia geratzen zenez, Kultur Etxean
izanen da aurten.
Mikel Gurea Xake Klubaren nortasunaren ikurretako bat da
Torneo hau. Harrobiaren eta balio handiko jokalari gazteen alde egitea den
bezala.
Mikel Gurea lizentzietan Nafarroako talderik
handienetakoa da. Eskola-umeen X. Torneo hau Txapelketetarako abiapuntua da
jokalaririk gazteenentzat.
Mikel
Gurea taldeak daraman Burlatako Xake Eskolan izena emateko epea zabalik dago
dagoeneko eta xakelaririk txikienak hor ariko dira. Hiru maila daude: Hasteko,
maila ertaina eta teknifikazioa. Ordutegia: Astelehenetik ostiralera,
arratsaldeko 6etatik 9ak arteko tartean, Burlatako Kirol Etxean (Francisco
Ardanaz Plaza, 8 behea). Informazio gehiago hurrengo web orrian: “http://www.mikelgurea.com”.
Mikel
Razkin izanen da Torneoko zuzendaria. Epaileak Angel Vilchez, Daniel Garcia
Mina eta Jesus Maria Perez Reclusa izanen dira. Sari banaketarako Burlatako
agintari politikoak eta Nafarroako Xake Federakundeko Lehendakaria gonbidatuta
daude.
Torneo honen diru babesleak hauek dira: Burlatako Udaleko Kirol Patronatua, Arte Graphic, Iruña Burdindenda eta Ostarte Taberna.
2008.GO TORNEOA GOGOAN.
Iaz Donostiako Gros A taldeak
irabazi zuen 20 urtez azpiko V. Xake Txapelketa, Mikel Gurea A (Burlata)
eta Gazte Berriak A (Antsoain) taldeen aurretik. Jokalaririk onenak Iñigo Martin (Gros A), Markel Flores (Arrano Elkartea)
eta Iker Irañeta (Mikel Gurea A) izan ziren, hurrenez hurren.
14 urtez azpiko IX. Xake Txapelketa Logroñoko Sociedad Ajedrecística Logroñesa taldeak irabazi zuen, Orvina (Iruñea) eta Eurofren (Alfaro) taldeen aurretik. Jokalaririk onenak Jorge
Gonzalez (Sociedad
Ajedrecística Logroñesa), Luis David Jimenez Almeida (Orvina) eta Javier Marchena (San Martin
Vitoria) izan ziren,
hurrenez hurren.
10 urtez azpiko II. Xake Txapelketa Burlatako Mikel Gurea C
taldeak irabazi zuen, Gazte Berriak D (Antsoain) eta Zizur Ardoi C
(Zizur Nagusia) taldeen aurretik. Jokalaririk onenak Odei Lerendegi (Mikel Gurea C), Oier Lacruz (Mikel Gurea C) eta
Ivan Sorbet (Mikel Gurea C) izan ziren, hurrenez hurren.
2009-11-17.
Iturria: Mikel Gurea talde antolatzailea.