ELGOIBARKO MAISUEN NAZIOARTEKO XIX. XAKE TXAPELKETA.
(SUSTAPENERAKO TXAPELKETA).
(2009.go abenduaren 10etik 17ra).

 

 

 

            2009-12-17 (09:30): BEDERATZIGARREN JARDUNALDIA (AZKENA).

 

            Alejandro Franco (Espainia, Sestao taldekoa) (2.463) (4) – Oleg Korneev (Errusia) (2.571) (5’5): 0’5-0’5.

 Mikel Huerga (Nafarroa, Euskal Herria) (2.435) (5’5) – David Lari๑o (Galizia) (2.467) (4): 0’5-0’5.

            Azer Mirzoev (Azerbaijan) (2.617) (4’5) – David Astasio (Araba, Euskal Herria) (2.340) (1): 1-0.

            Zenon Franco (Paraguay) (2.516) (4’5) – Kiprian Berbatov (Bulgaria) (2.463) (3’5): 1-0.

            Cristhian Cruz (Peru) (2.523) (2’5) – Dragan Paunovic (Serbia) (2.554) (5): 0’5-0’5.

 

            SAILKAPENA.

 

1)    Mikel Huerga (Nafarroa, Euskal Herria) (2.435) – 6 puntu.

2)    Oleg Korneev (Errusia) (2.571) – 6 puntu.

3)    Dragan Paunovic (Serbia) (2.554) – 5’5 puntu.

4)    Azer Mirzoev (Azerbaijan) (2.617) – 5’5 puntu.

5)    Zenon Franco Ocampos (Paraguay) (2.516) – 5’5 puntu.

6)    David Lari๑o (Galizia) (2.467) – 4’5 puntu.

7)    Alejandro Franco (Espainia, Sestao taldekoa) (2.463) – 4’5 puntu.

8)    Kiprian Berbatov (Bulgaria) (2.463) – 3’5 puntu.

9)    Cristhian Cruz (Peru) (2.523) – 3 puntu.

10) David Astasio (Araba, Euskal Herria) (2.340) – Puntu bat.

 

            MIKEL HUERGAREN TORNEOA.

 

Mikel Huergak Maisu Handia izateko bere hirugarren norma lortu du. Orain, FIDE eloko 2.500 puntuko langa harrapatzea falta zaio Maisu Handiaren titulua bereganatzeko.

 

            Elgoibarko Maisuen Nazioarteko XIX. Xake Txapelketaren antolatzailea: Euskal Xake Federakuntza. Torneoko zuzendaria: Miguel Angel Muela Perez. Epaile Nagusia: Lukas Iruretagoiena Nazioarteko epailea. Bataz besteko eloa: 2.486.

 

            Mikel Huerga izan da Torneoko figura, zalantzarik gabe. Hasieran, ranking-eko bederatzigarren jokalaria zen. Hau da, azken aurrekoa. Hala ere, ez du partida bat bakarra ere galdu. Hiru garaipen eta sei berdinketekin Torneoa irabazi du. Gainera, 6 puntu lortzean, Maisu Handia izateko norma lortu du: Bere hirugarren norma. Laster FIDE eloan 2.500 puntu eskuratuko ditu eta Euskal Herriko bigarren Maisu Handia bihurtuko da. Bestea Mario Gomez da (Nafarroan bizi den Jesus Maria De la Villa espainiarra eta xake aktiboa utzita duen Felix Izeta Maisu Handiak ahaztu gabe).

 

            Mikel Huergak Alejandro Franco gainditu zuen lehenengo txandan. Hurrengo hiru partidak oso garrantzitsuak izan ziren arrakasta lortzeko: Oleg Korneev, Azer Mirzoev eta Zenon Francorekin berdindu zuen. Bosgarren txandan bigarren kolpea jo zuen, Cristhian Cruz garaitzean. Seigarren txandan, norma ia ziurtatu zuen, Dragan Paunovic hirugarren zerrendaburuarekin berdintzean. Pauso erabakigarria zazpigarren txandan eman zuen: Kiprian Berbatov 13 urteko bulgariarra gainditu zuen. Bost puntuz bi berdinketa besterik ez zuen behar norma lortzeko. David Astasio azken sailkatuarekin eta David Lari๑o seigarren sailkatuarekin lortu ditu beharrezko berdinketa horiek. Hau da, makina behartu gabe. Bide batez, Sestao taldeko Alejandro Francok Oleg Korneevekin berdintzean, Txapelketa ere bereganatu du Mikel Huergak. Oleg Korneev bere zazpigarren txapelaren atarian geratu da.

 

            Azer Mirzoevek ez du bere eloari eusterik izan. Laugarren geratu da Mikel Huerga eta Oleg Korneevengandik puntu erdira. Lehenengo partidan, oso borroka luzearen ondoren, galdu zuen David Lari๑oren aurka. Hortik aurrera bigarren planoan ibili da, huts gehiagorik egin ez badu ere.

 

            Oleg Korneeven Torneoa da hau. Sei aldiz irabazi du Elgoibarren berak eta bi garaipen dituenik ez dago. Kiprian Berbatov, David Astasio eta Cristhian Cruz gainditu ditu, baina ez da nahikoa izan. Azkeneko partidan Alejandro Franco garaitzerik ez du izan eta bigarren geratu da errusiarra.

 

            Dragan Paunovicek David Astasio eta David Lari๑o garaitu ditu, baina horrek bere ranking-a egitea (hirugarren postua) besterik ez dio ahalbidetu.

 

            Alejandro Francok Torneo ona egin du. Euskal Herrian bizi den madrildarrak azkeneko jardunaldian Torneoaren norabidea aldatzeaz gain, beste 4 puntu lortu ditu. Zortzigarren zerrendaburua zen eta zazpigarren geratu da.

 

            David Astasiok debuta egin du horrelako mailako Torneo batean. Ez zaizkio gauzak nahi bezala atera, baina eskarmentua hartzeko balioko dio. Edozein modutan, puntu bat lortuta joanen da etxera.

 

            Cristhian Cruz perutarra da gaizkien ibilitako jokalaria. 3 puntuz azken aurrekoa geratu da, laugarren zerrendaburua bazen ere.

 

            TXAPELKETA HONETAKO GARAILEAK.

 

            1991. urtean, I. edizioan: Zenon Franco Ocampos (Paraguay).

            1992. urtean, II. edizioan: Elizbar Ubilava (Georgia).

            1993. urtean, III. edizioan: Gilberto Milos (Brasil).

            1994. urtean, IV. edizioan: Reynaldo Vera (Kuba).

            1995. urtean, V. edizioan: Marcelino Sion Castro (Espainia).

            1996. urtean, VI. edizioan: Felix Izeta Txabarri (Gipuzkoa, Euskal Herria).

            1997. urtean, VII. edizioan: Oleg Korneev (Errusia).

            1998. urtean, VIII. edizioan: John Van der Wiel (Herbehereak).

            1999. urtean, IX. edizioan: Juan Mario Gomez Esteban (Bizkaia, Euskal Herria).

            2000. urtean, X. edizioan: Oleg Korneev (Errusia).

            2001. urtean, XI. edizioan: Oleg Korneev (Errusia).

            2002. urtean, XII. edizioan: Oleg Korneev (Errusia).

            2003. urtean, XIII. edizioan: Horacio Salda๑o (Argentina).

            2004. urtean, XIV. edizioan: Ivan Cheparinov (Bulgaria).

            2005. urtean, XV. edizioan: Oleg Korneev (Errusia).

            2006. urtean, XVI. edizioan: Azer Mirzoev (Azerbaijan).

            2007. urtean, XVII. edizioan: Kamil Milton (Polonia).

            2008. urtean, XVIII. edizioan: Oleg Korneev (Errusia).

            2009. urtean, XIX. edizioan: Mikel Huerga Leatxe (Nafarroa, Euskal Herria).

 

            PALMARESA.

 

1)    Oleg Korneev (Errusia) – 6 garaipen.

2)    Zenon Franco (Paraguay) – Garaipen bat.

3)    Elizbar Ubilava (Georgia) – Garaipen bat.

4)    Gilberto Milos (Brasil) – Garaipen bat.

5)    Reynaldo Vera  (Kuba) – Garaipen bat.

6)    Marcelino Sion Castro (Espainia) – Garaipen bat.

7)    Felix Izeta Txabarri (Gipuzkoa, Euskal Herria) – Garaipen bat.

8)    John Van der Wiel (Herbehereak) – Garaipen bat.

9)    Mario Gomez (Euskal Herria) – Garaipen bat.

10) Horacio Salda๑o (Argentina) – Garaipen bat.

11) Ivan Cheparinov (Bulgaria) – Garaipen bat.

12) Azer Mirzoev (Azerbaijan) – Garaipen bat.

13) Kamil Milton (Polonia) – Garaipen bat.

14) Mikel Huerga Leatxe (Nafarroa, Euskal Herria) – Garaipen bat.

 

                2009-12-17.

 

                Iturria: Euskal Xake Federakuntza.