Asteartea, 2009ko abenduak 29.

Hizpideak.

Aurreneko 'haerria'.

Enekoitz Telleria.

Kirola, harria eta herria. Hirurak batean uztartu dituzte. Eurek lehen aldiz. Eurentzat lehenengo, eta guztientzat ondoren. Protagonistek lehen aldiz. Harria jarri, eta harriari heldu. Jaso eta erakutsi. Modu naturalean irten da. Irten zaie. Eta halaxe erakutsi dute. Igandean, Donostiako Belodromoan jarri eta altxatutako harria euskal kirolariak bilduko dituen egitura propioa sortzeko lehen harria da, forma hartu duen aldarria. Euskal Herria aintzat hartuta euskal herritar gisa aritzeko aukera izateak ez baitu kirol egitura gorenen esku egon behar bakarrik. Selekzioen partidak bertan behera uztea ez baita jokalarien erantzukizuna, batzuek euren zama arintzeko besteek euren gain hartutako ardura baizik.

Eta kirolariek egin dute urratsa. Argi utzi dute euren konpromisoa, eta Donostiako Belodromoa bete zutenek argi utzi diete euren konpromisoarekiko duten atxikimendua. Aspaldian egin den ekitaldi berezi eta politenean adierazi diete euren atxikimendua. Aurreneko haerria baino ez da.

© berria.info